Abaıdyń shópshegi Aıdardyń da esimi este qalady

О́tken jyldyń sońǵy kúnderinde sýyq habar keldi. Abaıdyń tikeleı urpaǵy, shópshegi – Aıdar Baǵfuruly Aqylbaev dúnıeden ótti. Sońǵy saparǵa shyǵaryp salýǵa Abaıdyń, Qunanbaıdyń urpaqtary jınaldy.

Janazasyna mádenıettanýshy Murat Áýezov, Dıar Qonaev qatysty. Aqynnyń tuıaǵymen qoshtasý úshin Abaı elinen Abaı aýdandyq mádenıet bóliminiń basshysy Eldar Orazalın keldi. Ol marqumnyń týystaryna Shyǵys Qazaqstan oblysynyń ákiminiń, Abaı aýdanynyń ákiminiń atynan kóńil aıtty.

Sýyq habardy estip, Semeıden Almatyǵa Abaıdyń "Jıdebaı-Bórili" memlekettik tarıhı- mádenı jáne ádebı-memorıaldyq qoryq-murajaıynyń dırektory Turdyqul Shańbaı keldi.

Aıdar Baǵfuruly Aqylbaev Almatynyń  Ortalyq zıratynda sheshesi Ǵafýra Razzaqqyzy, aǵasy Báýken Baǵfurulynyń janynda jerlendi.

Jerleý rásiminen keıin, Aıdar Aqylbaevqa Quran baǵyshtalǵan. Karantın sharalarynyń sebebinen, asyna kóp adamdy jınaýǵa múmkindik bolmady.

Eń jaqyn týystary – Abaıdyń tikeleı urpaqtary, birge oqyǵan dostary, elden kelgen Turdyqul Shańbaı, Eldar Orazalın jınaldy, marqumdy eske aldy.

Turdyqul Shańbaı men Eldar Orazalın bıyl ótken Abaıdyń 175-jyldyǵy týraly da eki aýyz sóz aıtty.

Olardyń aıtýynsha, aty jaman aýrýdyń indetiniń kesirinen dúrkiregen toı ótpese de, barlyq aımaqtarda, sonyń ishinde Abaıdyń elinde kóptegen is-sharalar, onlaın-konferensııalar, kitaptardyń tusaýkeserleri, chellendjter, konsertter ótken.

Karantın bolǵandyqtan, olardyń kóbisi onlaın-rejıminde ótken. Abaıdyń memlekettik tarıhı-mádenı jáne ádebı-memorıaldyq qoryq- murajaıynda remont, rekonstrýksııa, modernızasııa jasaldy.

Murajaıda úsh tildi sandyq (elektrondyq) gıd baǵdarlamasy ornatyldy. Demek, murajaıda úsh tilde eksýrsovodsyz ekskýrsııany jasaýǵa bolady. Abaıdyń murasyn umytpaý, saqtaý, zertteý, dáripteý úshin úkimet kóńilin, qarajatyn bólip júr.

Qazirgi tańda Abaıdyń tikeleı erkek kindikti eki-aq urpaǵy qaldy. Olar – Aıdardyń uly Danııar jáne Aıdardyń aǵasy Ernesttiń uly – Aıdos. Ekeýi de – Abaıdyń Dildádan týǵan úlken uly Aqylbaıdyń urpaqtary. Aıdos Aqylbaev Ýkraınada turady.

Danııar Aqylbaev – muhıttanýshy, jasy elýdiń shamasynda, úsh qyzdyń ákesi.

Aıdar Aqylbaev – Baǵfur Álimqululy men Ǵafýra Razzaqqyzynyń úsh ulynyń kenjesi edi.

Aǵalary – Ernest, Báýken.

Aıdar Aqylbaev 1949 jyly Almatyda týǵan. Polıtehnıkalyq ınstıtýtty bitirip, kóp jyl Mańǵystaý muńaı óndeý salasynda jumys istegen. Bertingi kezde Almatyǵa kóship kelgen.

Ákesi Baǵfur kezinde baılardyń urpaǵy, Abaıdyń urpaǵy retinde qýdalaýǵa ushyrady. Anasy Ǵafýra Razzaq Omarhanuly Áýezovtiń qyzy. Razzaq – Muhtar Áýezovtiń týǵan aǵasy edi. Demek, Aıdar Aqylbaev hám Abaıdyń urpaǵy, hám Áýezov áýletiniń jıeni edi. Baǵfur men úlken uly Ernest Uzynaǵashtyń mańaıynda ornalasqan Myńbaev aýylynyń zıratynda jerlengen.

R.S. Bıyl memleket basshysy Abaı eline sapar jasap, aýyldyń aqsaqaldarynan batasyn alǵan. Abaıdyń esimi, Abaıdyń murasy, Abaıdyń eli memleket basshysynyń, úkimettiń nazarynan tys qalmaıdy.

Hakim Abaı aıtqandaı, "О́lse óler tabıǵat, adam ólmes". Demek, Abaıdyń da, urpaǵy Aıdardyń da esimi, jarqyn elesteri este qalady.

Asqar Daıyrbek