Qazaqstannyń qaı oblysynda koronavırýspen eń kóp aýyrǵan oqýshylar tirkeldi?

Qazaqstannyń densaýlyq saqtaý birinshi vıse-mınıstri Marat Shoranov oqýshylar arasyndaǵy koronavırýsty málimdedi.

– Oqýshylar arasynda aýrýshańdyq ósýde. Oqý jylynyń basynan beri oqýshylar arasynda KVI-diń 3658 jaǵdaıy tirkeldi. Aýyrǵan oqýshylardyń eń kóp sany Shyǵys Qazaqstan, Pavlodar, Nur-Sultan qalasynda tirkelgen. Onyń ishinde kezekshi synyptarda oqıtyn balalar arasynda 994 jaǵdaı anyqtaldy. Bul – offlaın rejımde oqıtyndardyń jalpy sanynyń 0,1%-y, qashyqtan oqıtyn balalar arasynda 2 664 jaǵdaı tirkeldi, – deıdi ol.

Sondaı-aq vmse-mınıstr koronavırýstyń "qyzyl", "jasyl" jáne "sary" aımaǵyna kirgen oblystarǵa erekshe karantındik talaptardyń qoıylatynyn atap ótti.

– О́zimiz qurǵan matrısaǵa baılanysty "qyzyl", "jasyl" jáne "sary" aımaqqa kirgen oblystarǵa erekshe karantındik talaptar qoıyp otyrmyz. "Sary" aımaqqa kirgen oblystardla 30-50 adamǵa deıin meıramhanalarǵa jınalýǵa ruqsat etilgen. Biraq "qyzyl" aımaqqa kirgen oblystarda jáne qalalarda halyq sany 30-ǵa deıin ǵana shektelgen. Úlken ujymdyq is-sharalarǵa tyıym salynady, – dep aıtty densaýlyq saqtaý birinshi vıse-mınıstri.