Aıdos Sarym: Qazaqstan qıyn jaǵdaıda tur

"Qazaqstan" Ulttyq telearnasynda parlament májilisi saılaýyna qatysýshy partııalar arasynda ótken teledebatta Nur Otan partııasynyń múshesi Aıdos Sarym Nur Otan partııasy ózgergenin, sol arqyly eldi ózgertkisi keletinin aıtty.

Onyń sózinshe, búgingideı pandemııa kezinde, geosaıasat ózgergen shaqta Qazaqstan qıyn jaǵdaıda tur. "Sondyqtan kez kelgen esti azamat eliniń keleshegine alańdaýshylyq bildirýge tıis. Nur Otan partııasy ózgerdi. Endi elimizdi ózgertip reforma jasaǵymyz keledi" dedi saıasattanýshy.

Partııa ókili bılikti synaıtyndardy eldi birlesip reformalaýǵa shaqyrdy.

"Qazaqstan" Ulttyq telearnasynda parlament májilisi saılaýyna qatysýshy partııalar arasynda teledebat ótip jatyr. Úmitker partııa ókilderi Ulttyq arnanyń «Ashyq alań»  baǵdarlamasy aıasynda tikeleı efırde 1 saǵat boıy óz saılaýaldy baǵdarlamalaryn qorǵap, qarsylas partııalarmen ashyq dıskýssııa quryp, saılaýshylar tarapynan kelip túsken suraqtarǵa jaýap beredi.