Djo Baıdenniń ınaýgýrasııasy aldynda Qytaı men AQSh soǵysady – Sheteldik zertteý ortalyǵy 

Qytaıdaǵy Ońtústik Qytaı teńizin zondtaý bastamasy (SCSPI) saraptamalyq uıymy Djo Baıdenniń AQSh prezıdenti laýazymyna kirisýine deıin Ońtústik Qytaı teńizindegi shıelenis jan-jaqty soǵysqa ulasýy múmkin dep eskertti. Daýly aımaq tóńiregindegi qaýipsizdik máselelerine nazar aýdaratyn qytaılyq saraptama ortalyǵy Newsweek-ke yqtımal qaqtyǵys qaýpi bar ekenin aıtty. 

SCSPI dep atalatyn saraptamalyq uıym shıelenistiń kúsheıýi kezinde eki qýatty memleket arasyndaǵy "kútpegen" qaqtyǵys yqtımaldyǵyn jarııalady.

Uıym "Biz áli kúnge deıin qaqtyǵys qaýpi artyp keledi dep sanaımyz. Sońǵy kezderi buqaralyq aqparat quraldarynda az aıtylǵanymen, ár kún saıyn eki jaqta birneshe márte bir-birine betpe-bet keldi. Eger AQSh pen Qytaı daǵdarysqa qarsy is-qımyldyń mańyzdy sharalaryn taba almasa, apat nemese kútpegen janjaldyń paıda bolý qaýpi áli de joǵary bolady" dep málimdedi..

Teńiz strategııasyn zertteý ortalyǵynyń dırektory Hý Bo buǵan deıin Vashıngton men Beıjiń arasyndaǵy yqtımal qaqtyǵysqa qatysty alańdaýshylyq bildirgen.

Ol "AQSh Qytaıdan basqa salalarda bólinýge tyrysqanymen, olar áli de tyǵyz baılanysty. Keń aýqymdy qaqtyǵys múmkindigi az bolǵanymen, ortasha nemese kishigirim qaqtyǵys bolýy múmkin, mysaly, eki áskerı keme bir-birine soǵylýy nemese eki eldiń áskerı kemeleri men áýe kemeleri anda-sanda aıqasýy múmkin" dedi.