• USD 424.85

  • EUR 504.21

  • RUB 5.84

  • CNY 65.86

22 Qańtar, 21:00:10
Almaty
-4°

13 Jeltoqsan, 2020 Áleýmet

Qazaq qyzy Qytaıdaǵy halyqaralyq sottyń sýdıasy bolyp taǵaıyndaldy (vıdeo)

Gúlnur qazaq elinde memlekettik qyzmette, advokattar alqasynda jáne kvazımemlekettik sektorda jumys istegen.

Foto: 24.kz

Otandasymyz Gúlnurdyń Qytaı astanasynda jumys istep jatqanyna 10 jyldaı boldy. 3 jyl buryn ol osynda kompanııasyn ashqan. Qazir TMD elderimen áriptestik ornatqysy keletin jergilikti bıznesmenderge aqyl-keńes beredi. Tórelik sot sýdıasy bolyp taǵaıyndalý Gúlnur úshin tosyn jańalyq boldy. Ol bul sheshimdi «Bir belbeý – bir jol» strategııasyn iske asyrý aıasynda suranystyń artýymen baılanystyrady.

Gúlnur Nurkeeva, QHR-dyń halyqaralyq tórelik soty:

– Tórelik týraly zań boıynsha tek Qytaı azamattary ǵana tórelik soty bola alady. Biraq tórelik isi shetelmen baılanysty bolǵanda ruqsat etiledi. Osy turǵyda Halyqaralyq saýda palatasy sheteldik arbıtrlardy usynady. Bir tarap Ortalyq Azııa nemese TMD elderinen bolǵanda, osy elderge qatysy bar arbıtrdy tańdaý qolaıly bolady.

Gúlnur qazaq elinde memlekettik qyzmette, advokattar alqasynda jáne kvazımemlekettik sektorda jumys istegen. Qazaqstannyń tuńǵysh Salyq kodeksin jasaýǵa qatysqan. Keıin ol Beıjiń ýnıversıtetinde qytaı quqyǵyn ıgergen. Biraq joǵary oqý ornyn bitirgen soń jumys taba almaı biraz júrip qalǵanyn jasyrmaıdy. Zań boıynsha Qytaı quqyǵymen tek osy eldiń azamattary aınalysýy tıis. Gúlnur jas otandastaryna osyǵan nazar aýdarý qajettigin eskertkisi keledi.

Gúlnur Nurkeeva, QHR-dyń halyqaralyq tórelik soty:

- Eń mańyzdysy, qytaılyq seriktesti ábden tekserý qajet. Kelisimniń naqty iske asatynyn zerttep, aldyn ala bilip alǵan jón. Bul naryqqa kirmes buryn quqyqtyq qorytyndyny daıarlap alý kerek. Bul keıin teris kelisimge urynyp, shyǵynǵa batpas úshin óte mańyzdy.

Gúlnur doktorlyq dıssertasııasyn sátti qorǵaǵan soń qazaqstandyq zańgerlerge halyqaralyq deńgeıge shyǵýǵa qoldan kelgenshe kómektesetinin aıtady.

Avtory: Ernat Melsuly


"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir