• USD 424.85

  • EUR 504.21

  • RUB 5.84

  • CNY 65.86

20 Qazan, 06:12:18
Almaty
+11°

Sybaılas jemqorlyqqa qarsy is-qımyl agenttiginiń apparattyq keńesi Agenttik basshysy A.Shpekbaevtyń tóraǵalyǵymen ótti, onyń barysynda «Almaty-Adaldyq Alany» jobalyq keńsesiniń jetekshisi, Almaty ákimniń orynbasary Erjan Babaqumarovtyń jobalyq keńseniń qyzmeti men aǵymdaǵy mindetteri týraly esebi tyńdaldy.

«Adaldyq Alany» jobasynyń negizgi maqsattary men mindetterine sáıkes Almatyda sybaılas jemqorlyqpen baılanysty quqyq buzýshylyqtar deńgeıin qysqartýǵa, sybaılas jemqorlyqty jalpylama qabyldamaýdy qalyptastyrýǵa jáne azamattardyń memlekettik bılik ınstıtýttaryna senimin arttyrýǵa basty nazar aýdarylady.

«Almatyda jáne jalpy elimizde sybaılas jemqorlyq quqyq buzýshylyqtar deńgeıiniń birshama tómendeýi, halyqtyń sybaılas jemqorlyqqa qarsy belsendiliginiń artýy baıqalady, bul sybaılas jemqorlyqqa qarsy jumysty uıymdastyrý men júrgizýdegi jańa tásilderdiń nátıjesi boldy», - dep atap ótti Erjan Babaqumarov óz baıandamasynda.

«Adaldyq Alany» Almaty Keńsesiniń negizgi qyzmeti úsh negizgi mindetti sheshýge baǵyttalǵan. Birinshiden, bul sybaılas jemqorlyqqa qarsy jobalyq qyzmetke ártúrli azamattyq qoǵam ınstıtýttarynyń ókilderin jáne áleýmettik belsendi azamattardy tartý. Ekinshiden, jobalardy iske asyrýdyń naqty jáne qol jetkizýge bolatyn maqsaty, mindetteri men ındıkatorlary bar jobalyq menedjment qaǵıdattary boıynsha sybaılas jemqorlyqqa qarsy jumysty jetildirý. Úshinshiden, koronavırýs ınfeksııasynyń pandemııasy jaǵdaıynda azamattyq belsendilik pen quqyqtyq saýattylyqty arttyrý, sondaı-aq qoǵamdyq baqylaý ádisterin jetildirý.

Jobalyq keńse jumysynyń nátıjeleri týraly aqparattandyrý maqsatynda qoǵamdyq uıymdardyń basshylarymen jáne ókilderimen, azamattyq belsendilermen kezdesýler ótkizildi. Osy kezdesýler sheńberinde jobalyq toptardyń, saraptamalyq keńes músheleri almastyryldy.

Áleýmettik jelilerde sybaılas jemqorlyqqa qarsy ıdeıalar men jobalar konkýrsy jarııalandy. Búgingi tańda almatylyqtardan júzden astam usynys kelip tústi.

Aǵymdaǵy jyly quqyqtyq sana men quqyqtyq mádenıetti arttyrýǵa, sybaılas jemqorlyq kórinisterine tózbestik qarym-qatynasyn arttyrýǵa, sybaılas jemqorlyq qaýpi týraly ýaqtyly habardar etýge jáne qala turǵyndaryna sapaly qyzmet kórsetýge baǵyttalǵan jobalardy iske asyrý jalǵasýda.

E.Babaqumarov pandemııa jaǵdaıynda sybaılas jemqorlyqqa qarsy jumysty uıymdastyrý men júrgizýdiń ózindik erekshelikteri bar ekenin jáne onyń negizinen keńes berip, túsindirý jumystaryna, halyqpen «keri baılanysty» jetildirýge baǵyttalǵanyn atap ótti.

Sonymen qatar, qoǵamdyq baqylaýdyń nysandary men ádisterin jetildirý, onyń mańyzdylyǵy men tıimdiligin arttyrý boıynsha jumys júrgizilýde. Almatyda qoǵamshyldar men azamattyq belsendilerdi tartýdyń joǵary deńgeıine qol jetkizildi.

Azamattyq belsendiler ártúrli mekemeler men uıymdarda sanıtarlyq-epıdemıologııalyq qaýipsizdik sharalaryn saqtaý jónindegi talaptardy saqtaý boıynsha monıtorıngtik is-sharalarǵa qatysady. Sonymen qatar, jobalyq keńseniń qyzmetkerleri karantın jaǵdaıynda qashyqtan oqytý úshin muqtaj jáne kóp balaly otbasylardan shyqqan oqýshylarǵa arnalǵan uıymdastyrý tehnıkasyn bólý monıtorıngine qatysty.

Erjan Babaqumarov sybaılas jemqorlyqqa qarsy tıimdi kúres memlekettik organdar men azamattyq qoǵamnyń birlesken kúsh salýynyń arqasynda múmkin ekenin atap ótti. Olardyń «Adaldyq Alany» alańy arqyly ózara is-qımylynyń jańa formaty óziniń ómirsheńdigi men mańyzdylyǵyn dáleldeıdi. Pılottyq joba búkil qala boıynsha keńeıtiletin bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir