Ázerbaıjannyń áleýmettik jelilerinde Kelbadjar shekarasynda, dálirek aıtqanda sol aımaqtaǵy altyn kenishtiń janynda ázerbaıjan men armıan qarýly kúshteriniń betbe-bet kelip turǵany kóringen vıdeo tarady. Bul týraly aze.az saıty habarlady. 

Taýly Qarabaqtyń Kelbadjar aımaǵy Ázerbaıjanǵa qaıtarylǵannan keıin jańa memlekettik shekara qandaı bolatyny anyq kórsetilgen.

Buǵan deıin Qarabaq qaqtyǵysynyń aıaqtalǵany týraly habarlanǵan. Armenııa premer-mınıstri Nıkol Pashınıan Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıdy. Kelisimge sáıkes, Reseıdiń bitimgerlik kúshteri Taýly Qarabaqqa kirgizilgen. 

Osylaısha úsh eldiń arasynda bolǵan kelisim boıynsha Lachın, Agdam, Kelbadjar aýdandary Ázerbaıjanǵa qaıtarylyp, basqynshy ásker aımaqtan shyǵarylady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir