• USD 424.85

  • EUR 504.21

  • RUB 5.84

  • CNY 65.86

27 Qarasha, 13:48:58
Almaty

TRT arnasy aǵylshyn tilinde vıdeo jarııalap, "Borat" fılminiń Qazaqstan týraly jalǵan aqparattar taratqanyn áshkereledi. Buǵan deıin "Borattyń" Qazaqstan týraly keıbir shyndyqqa saı kelmeıtin aqparatyn CNN, Nıý-Iork Taıms sııaqty Batys basylymdary jarııalaǵan. 

TRT arnasynyń aqparatynsha, "Borat" fılmindegi jalǵan aqparattardyń biri – Qazaq elin óte kúshti antısemıtızmdik memleket retinde sıpattaýy. TRT arnasy "Sasha Koen Batys jurtynyń Qazaqstan týraly aqparattardy tolyq bilmeıtinin paıdalanyp aǵylshyn tilindegi "Borat" fılminde Qazaqstandy antısemıtıstik el retinde kórsetken. Degenmen bul múlde shyndyqqa janaspaıdy" degen. Arnanyń aqparatynsha, Sasha Koen Qazaqstandy dinı el sııaqty sıpattap, evreılerge qarsy respýblıka retinde kórsetkisi kelgen, degenmen arna onyń jalǵan aqparat ekenin aıtqan. Vıdeo Qazaqstan kerisinshe evreılerge kómekteskenin, ekinshi dúnıejúzilik soǵystaǵy Holokost kezinde 1940 jyldary myńdaǵan evreılerdiń Qazaqstannan pana tapqanyn jarııalaǵan. Qazaqstanda órkendegen evreı qaýymdastyqtary bar ekenin, jıyrmadan astam erveı uıymdary men mektepterdiń jumys jasap jatqanyn tilge tıek etken. 

"Borat" fılmi oǵan qosa Qazaqstandy "áıelderdi janýar retinde baǵalaıtyn el" dep kórsetken. Dinge basymdyq bergen eldiń sıpattaryn qoldanyp, Qazaqstandy genderlik dıskrımınasııalyq el retinde kórsetýge tyrysqan. Aǵylshyn tildilerdiń Qazaqstan týraly jaqsy bilmeıtinin jáne el ataýynyń sońyndaǵy "stan" degen jalǵaýǵa baılanysty stereotıpti paıdalanyp, fılmdi Batys jurtynda tabysty túrde nasıhattaǵan. Degenmen, TRT arnasy Qazaqstandaǵy áıel sportshylardy, saıasatkerledi mysalǵa keltirgen jáne áıelder jalpy qoǵamdyq jáne memlekettik salalarda belsendi ekenin málimdegen. Tipti, "Save The Children" halyqaralyq uıymynyń reıtıngi Qazaqstandy álem boıynsha otyzynshy orynǵa baǵalap, AQSh (32), Japonııa (35) sııaqty elderden joǵary kórsetkishte ekenin jarııalaǵan. 

TRT arnasynyń aqparatyna sáıkes, Sasha Koen fılminde Qazaqstandy mádenı turǵyda artta qalǵan el retinde sıpattap, onda (áıelderdi) zorlaý, pedıfılııa jáne ınsest qalypty jaǵdaı retinde kórsetken. 

TRT aqparatynsha, Sasha Koen Facebook sekildi áleýmettik jeli platformalaryn synap, olardy "jalǵan aqparat tartyp jatyr" dep aıyptap, áserli baıandama jasaǵan. "Degenmen Sasha Koennyń ózi jalǵan aqparat taratyp júrgen joq pa?" dep túıindegen aǵylshyn tilindegi basylym. 

Talǵar Dálelǵazy

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi
Ilmek sózder: Borat

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir