Qyrǵyzstanda el ataýyn ózgertý usynyldy

"Kyrgyz jolý" qoǵamynyń tóraǵasy Qadyrbek Qoshalıev Qyrǵyzstan ataýyn ózgertýdi usyndy, dep habarlaıdy Qamshy.kz aqparat agenttigi 24.kg-ge silteme jasap.

Bishkekte kezekti konstıtýsııalyq keńes ótip jatyr. Qadyrbek Qoshalıev Konstıtýsııaǵa el ataýyn "Qyrǵyz Halyq Respýblıkasy" dep jazýdy usyndy. 

"Biz alǵash ret Konstıtýsııaǵa resmı túrde halyq quryltaıy ınstıtýtyn engizip otyrmyz. Eshbir elde halyq bıligi joq. Bizde olıgarhtar bıligi ornaǵan. Halyq bıligin kúsheıtetin tetik kerek. Kez-kelgen laýazymdy qyzmet halyq quryltaıynda bekitilýi kerek. Sol kezde jemqorlyqty boldyrmaımyz jáne sheneýnikter iske úlken jaýapkershilikpen qaraıdy", - dedi ol.

Esterińizge sala keteıik, Qyrǵyzstanda Joǵary Keńestiń 80 depýtaty Konstıtýsııanyń jańa jobasyn jáne referendým ótkizý týraly zańdy maquldady. Referendým 10 qańtarda ótedi.

Konstıtýsııa jobasy parlamenttiń resmı saıtynda halyq talqysyna usynyldy.

Qyrǵyzstan premer-mınıstri Sadyr Japarov Konstıtýsııany ózgertý bastamasyn kótergen. Zańdy ózgertý depýtattardyń moınyna júkteldi. Alaıda depýtattardyń ókilettik merzimi 28 qazanda bitken.