Qazaqstanda 2021 jyly jastar men az qamtylǵan kópbalaly otbasylarǵa arnalǵan 12,7 myńnan astam páter salynady. Bul maqsatqa respýblıkalyq bıýdjetten 94,4 mlrd teńge bólinedi, dep habarlady senattyń baspasóz qyzmeti.

Senat depýtattary eldiń basty qarjy qujatyn zerdelep, áleýmettik jobalardy iske asyrýǵa basa nazar aýdardy.

– Aldaǵy úsh jyldyq kezeńge arnalǵan bıýdjettegi negizgi basymdyq – adamdardyń áleýmettik máselelerin sheshý, 2021 jylǵy bıýdjet shyǵystarynyń 50%-dan astamyn áleýmettik sala shyǵystary quraıdy, – dedi senat tóraǵasy Máýlen Áshimbaev.

Baspanamen qamtamasyz etilýge tıis adamdardyń qatarynda jumys isteıtin jastar da bar. 2021 jyly olarǵa jalpy somasy 21,6 mlrd teńgege 3 myń páter salý josparlanyp otyr.

Aldaǵy jyly áleýmettik álsiz sanattaǵy qazaqstandyqtar óz baspanasyna ıe bolady, olarǵa 4,7 myń páter salynady, ol úshin bıýdjetten 32,8 mlrd teńge bólinbek.

"Nurly jer" baǵdarlamasyna jalpy alǵanda 2021-2023 jyldarǵa arnalǵan respýblıkalyq bıýdjette 595 mlrd teńge qarastyrylǵan.

"Qamshy" silteıdi
Ilmek sózder: baspana

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir