Qazaqstan grezıdenti Qasym-Jomart Toqaev kıno jáne teatr óneriniń maıtalman akteri, Halyq ártisi, Qazaqstannyń Eńbek Eri Asanáli Áshimovti mıllıondaǵan kórermenniń yqylasyna bólengen «Atamannyń aqyry» kórkem fılminiń túsirilgenine 50 jyl tolýyna oraı quttyqtady, dep jazady Qamshy.kz aqparat agenttigi Aq Ordanyń baspasóz qyzmetine silteme jasap.
Memleket basshysy daryndy rejısser Sháken Aımanovtyń jáne úlken shyǵarmashylyq ujymnyń birlesken kúsh-jigeriniń arqasynda ómirge kelgen bul týyndynyń otandyq kıno óneri salasynda alatyn orny aıryqsha ekenin atap ótip, ony detektıv janrynda túsirilgen alǵashqy fılmniń biri dep baǵalady.
Prezıdenttiń quttyqtaý hatynda «Atamannyń aqyry» fılmi tarıhı derekterge negizdelgen shytyrman oqıǵalarǵa toly ekeni, sol zamannyń óskeleń urpaǵyn otansúıgishtikke, eldi qorǵaý úshin janqııarlyqpen kúresýge tárbıelegeni týraly aıtylǵan.
«О́zińiz atalǵan kınotýyndyda chekıst Qasymhan Shadııarov rólin óte ǵajap somdap shyqtyńyz. Arpalysqa túsken qoǵamda jaýapty qyzmetkerdiń ózine júktelgen qupııa tapsyrmany oryndaý jolyndaǵy batyrlyq pen qaısarlyq tanytqan is-áreketin shynaıy kórsete bildińiz. Sizdi asa kórnekti akter retinde KSRO ǵana emes, búkil álemdik kınematografııa qaýymdastyǵy moıyndady. Sonymen qatar qazaqstandyq áıgili ártister Elýbaı О́mirzaqov, Nurmuhan Jantórın jáne Altynaı Eleýova da ózderi somdaǵan rólderin úlken sheberlikpen oryndaı bildi», – dep jazylǵan quttyqtaý hatta.
Sonymen qatar vemleket basshysy Halyq ártisine aldaǵy ýaqytta da otandyq kıno men teatr ónerin jáne halqymyzdyń rýhanı baılyǵyn damytý jolyna óz úlesin qosyp, eldiń aıryqsha qurmetine bólene berýine tilektestik bildirgen.
Quttyqtaý sońynda Qasym-Jomart Toqaev Asanáli Áshimovke zor densaýlyq, uzaq ǵumyr, otbasyna qut-bereke tiledi.
Pikir qaldyrý
pikir