14 Qarasha, 2020 NEWS
Foto: qamshy.kz
16 jeltoqsan kúni Jańaózen oqıǵasy men Jeltoqsan qurbandaryn eske alý maqsatymen mıtıng ótedi. Bul týraly Demokratııalyq partııa bastamashyl tobynyń jetekshisi Janbolat Mamaı Shoqan Ýálıhanov atyndaǵy alańda ótip jatqan mıtıngte aıtty.
– Dýlat Aǵadil ózi úıde túrmede, memlekettik mekemede qaıtys boldy. Onyń ólimine bılik kináli. Keshe ǵana Dýlattyń uly Janbolat qaıtys boldy. Ádiletti tergeý júrgizilýi kerek dep oılaımyn. Áli de shyndyq ashylǵan joq. Qazaqstan táýelsizdik jyldarynda Nazarbaev bıliginiń tusynda qanshama adam qurban bolyp jatyr. Barlyq saıası tutqyndar bostandyqqa shyǵýy kerek. Memleket olardyń aldynda keshirim surap, ótemaqy tóleýi kerek. Olar qylmysker emes!
Qazir Nazarbaevtyń aınalasyndaǵy adamdar, onyń otbasy músheleri sanaýly bankterge mıllıardaǵan aqsha berip jatyr. Osy ýaqytqa deıin 5 trıllıonǵa jýyq aqshany jekemenshik bankerge berdi. Ol kimniń banki? Ol Tımýr, Dınara Qulybaevtardyń banki, Mashkevıchtiń, О́temuratovtyń jáne basqa da baılardyń banki. Mıllıardtaǵan aqshany shetelge salyp jatqan, bıliktegi sheneýnikter túrmede otyrý kerek, – dedi ol.
Sondaı-aq Janbolat Mamaı aldaǵy ýaqytta da mıtıng bolatynyn aıtty.
– 16 jeltoqsan kúni de mıtıng ótedi. Jańaózen men Jeltoqsannyń qurbandaryn eske alamyz! Saılaýǵa baıkot jarııalaımyz! 10 qańtar kúni de mıtıngke shyǵamyz! Alańǵa shyǵamyz! – dedi Janbolat Mamaı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir