Foto: Janbolat Aǵadildiń paraqshasynan

Azamattyq belsendi, resmı derekte tergeý ızolıatorynda "júrek talmasynan" qaıtys boldy delingen Dýlat Aǵadildiń ulyn bireýler óltirip ketkeni habarlandy.

Aqparatty Dýlattyń anasy Gúlbarshyn Jarmuhambetova rastady.

Qamshy tilshisimen telefon arqyly sóılesken Gúlbarshyn Jarmuhambetova qaraly habardy qazir ǵana estigenin, naqty ne jaǵdaı bolǵanyn bilmeıtinin jetkizdi.

Onyń sózinshe, óltirilgen adam nemeresi, Dýlat Aǵadildiń tuńǵyshy 17 jastaǵy Janbolat.

– Bireý atyp ketti deıdi, bireý pyshaqtaǵan deıdi. Adamdar sol jaqqa (Nur-Sultan qalasyna - red.) ketti ǵoı, – dedi Gúlbarshyn Jarmuhambetova óksigin basa almaı.

Nur-Sultan qalasynyń polısııa departamenti Janbolat Aǵadildiń qazasy týraly málimdeme jasady. 

"10 qarashada saǵat 22.56-da 102 nomerine Nur-Sultan qalasy Kóktal yqshamaýdany Bolashaq kóshesiniń boıynda jappaı tóbelestiń bolǵany týraly habar tústi. Oqıǵa ornyna kelgen polısııa qyzmetkerleri jas jigitter arasynda janjal bolyp, arty tóbeleske ulasqanyn anyqtaǵan. Saldarynan eki adam dene jaraqatyn alǵan. Onyń biri 17 jastaǵy J.Aǵadil aıaǵynan jaralanyp, jedel járdem kóligi kelgenge deıin sol jerde qaıtys boldy.

Atalǵan derek boıynsha Qazaqstan qylmystyq kodeksiniń 99-bap 2-bólimi jáne 293-bap 3-bólimi boıynsha qylmystyq is qozǵaldy.

Qazirgi ýaqytta janjal qatysýshylaryn anyqtaý maqsatynda tergeý júrgizilip jatyr. Ustalǵandar tergelýde. Tergeý nátıjesi boıynsha ár adamnyń áreketine quqyqtyq baǵalaý beriledi. Tergeý jalǵasýda" delingen polısııa departamenti taratqan habarlamada.

Oqı otyryńyz: Janbolat Aǵadildiń dosy: Jaqsy jigit edi

Ilmek sózder: Dýlat Aǵadil

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir