Qazaqstannyń taǵy bir oblysynda karantın uzartyldy

Shyǵys Qazaqtan oblysy bas sanıtar dárigeriniń qaýlysymen karantın sharalary uzartyldy.

"Aýmaqtyń Bas memlekettik sanıtar dárigeriniń m.a. G.J.Tagaevanyń qaýlysymen Shyǵys Qazaqstan oblysynyń aýmaǵynda 2020 jylǵy 11 qarashadaǵy saǵat 00.00-den bastap 2020 jylǵy 25 qarashadaǵy saǵat 00:00-ge deıin shekteý sharalary uzartyldy" delingen resm saıt taratqan habarlamada.

Qaýlyǵa sáıkes:

• koronavırýstyq ınfeksııanyń aldyn alý máseleleri boıynsha aqparattyq materıaldardy habarlandyrý taqtalaryna jáne basqa da kópshilikke kórinetin jerlerge ornalastyrý;
• memlekettik organdar men uıymdarda azamattardy jeke qabyldaýdy, qyzmetkerlerdiń jeke qatysýymen keńesterdi, semınarlardy jáne t. b. ótkizýdi azaıtý;
• adamdar kóp jınalatyn oryndardaǵy ǵımarattar úı-jaılarynda, qoǵamdyq kólikte, jabyq jáne jyly aıaldamalarda, áýejaılarda, temirjol jáne avtovokzaldarda dezınfeksııalyq jáne sanıtarııalyq óńdeý júrgizý;
•  oıyn-saýyq, sporttyq is-sharalardy, beıbit jınalystardy, kórmelerdi, forýmdardy, konferensııalardy, sondaı-aq otbasylyq, saltanatty, eske alý sharalaryn (banketter, úılený toılary, mereıtoılar, as berý) jáne basqa da buqaralyq is-sharalardy, onyń ishinde úıde ótkizýge;
• oıyn-saýyq mekemeleriniń jumys isteýine tyıym salý (karaoke, bılıard, kompıýterlik klýbtar, túngi klýbtar, boýlıng ortalyqtary, jabyq úı-jaılardaǵy balalardyń oıyn alańdary men attraksıondary, kınoteatrlar, býkmekerlik keńseler, fýdkorttar).

О́skemen qalasynda shekteý saqtalsyn, al Rıdder qalasy; Altaı aýdanynyń Serebrıansk qalasy men Jańa Buhtyrma kentinde atalǵan nysanalardyń jumys isteýine tyıym salynady:

1) kınoteatrlar;

2) monshalar, saýnalar;

3) basseınder;

4) teatrlar;

5) mádenıet obektileri, kitaphanalar, murajaılar;

6) fıtnes-ortalyqtar jáne sporttyq-saýyqtyrý ortalyqtary, jattyǵý  zaldary, sport keshenderi, SPA ortalyqtary/salondary.

Qaýlynyń tolyq nusqasymen myna silteme arqyly tanysa alasyz