Bankterdiń kredıt berý júıesine qandaı ózgeris engizildi?

Qamshy tilshisi pandemııaǵa baılanysty engizilgen tótenshe jaǵdaı men karantınnen keıin bankterdiń nesıe berý júıesinde qandaı ózgerister bolǵanyn anyqtap kórdi.

Sberbank

Atalǵan bankte 2020 jylǵy 16 maýsym men 2020 jylǵy 30 qarasha aralyǵynda tólem merzimi keshiktirilgen nesıelerge eshqandaı aıyppul men ósimpul salynbaıdy.

"Sberbank" klıentteriniń arasynda jeke tulǵalarǵa arnalǵan "Lımondardan qýat al" atty aksııasyn ótkizip jatyr. Aksııaǵa sáıkes jeńimpazdarǵa aqshalaı syılyq tabystalady. Aksııaǵa bankten "Senimgerlik kredıt" nemese "Avtokredıt" baǵdarlamasy boıynsha 1 mln teńgeden joǵary kredıt alǵan azamattar qatysa alady. Aksııa 31 jeltoqsanǵa deıin jalǵasady. Qosymsha suraqtar boıynsha 50 30  nomerine habarlasýǵa bolady.

Halyk bank

Bank búginde qaryzdy uıymdastyrǵany úshin ustalatyn 8 paıyzdyq komıssııanyń ornyna 4 paıyzdyq saqtandyrý usynady. Demek jańa nesıe alýshylardyń nesıesinen endigi kezekte 4 paıyz ǵana ustalady. Eger de azamattar nesıesin ýaqytyly tólemeı, keshiktirgen jaǵdaıda tólemderine 0,5 paıyz aıyppul qosylady. Nesıeniń paıyzdyq mólsherlemesi qaryz somasyna baılanysty.

Banktiń talabyna saı nesıe alý úshin qaryz alýshynyń ortasha aılyq tabysy 30 000 teńgedan bastalady. Nesıeniń berilý, berilmeýi týraly sheshim jeke qabyldanady jáne klıenttiń nesıe tarıhyna tikeleı baılanysty. Qosymsha suraqtar boıynsha 7111 nomerine habarlasýǵa bolady.

Bank Sentr Kredıt

Bank tarapynan medısına qyzmetkerlerine 85 kúnge deıin paıyzsyz negizde jeńildigi bar nesıe kartasy beriledi. Dárigerler 3 mln teńgege deıin lımıti bar kartany ashyp, alynǵan somany 85 kún ishinde asyqpaı qaıtarýǵa tıis. Sonymen qatar, kartada boıynsha 30% keshbek berilip, 3-6 jáne 12 aıǵa deıin bólip tóleý, kartany tegin shyǵarý qyzmetteri bar.

Bank sondaı-aq qazir jeke kásipkerlerine kepilsiz 12 aıǵa deıin nesıe usynady. Eń joǵarǵy soma – 5 mln teńge. Bank call-ortalyǵynyń nomeri – 505.

Jysan bank

Qazirgi ýaqytta bankte nesıesi bar azamattardyń qaryzdary kelisimshart boıynsha tólenýde. Karantınnen keıin aıtarlyqtaı ózgerister bolmady, aı saıynǵy tólemaqylar ózgerissiz qaldy.

Banktiń talabyna saı nesıe rásimdeýde qaryz alýshynyń ortasha aılyq tabysy Qazaqstan Respýblıkasynyń zańnamasynda belgilengen (42 500 teńge) eń tómengi jalaqydan kem bolmaýǵa tıis. Qosymsha suraqtar boıynsha 77 11 nómirine habarlasýǵa bolady.

Kaspi.kz 

Tótenshe jaǵdaı kezinde Kaspi.kz kredıti bar azamattardyń qaryzdaryn 3 aıǵa keıinge shegergen bolatyn. Keıinge qaldyrylǵan 3 aıdyń qaryz somasyna aıyppul men ósimpul qosylmady. Al tótenshe jaǵdaıdan keıin bank kredıt sharttary boıynsha kelisimshartta kórsetilgen talaptardy qaldyrdy.

Bankte tutynýshylyq jáne zattaı nesıeni Kaspi.kz mobıldik qosymshasy arqyly alý qyzmeti qoljetimdi. Tutynýshylyq nesıe rásimdeýde eń tómengi aılyq tabystyń shegi joq. Nesıe boıynsha sheshimniń qandaı bolatyny tutynýshynyń nesıe tarıhyna baılanysty. Qosymsha suraqtar boıynsha 9999 nomerine habarlasýǵa bolady.