Aqtóbege alǵash ret kóshpeli medısınalyq keshender jetkizildi

Juma, 30 qazan kúni Aqtóbe oblysynyń ákimi Ońdasyn Orazalın “Aqtóbe medısınalyq ortalyǵy”, Mártók, Qarǵaly aýdandyq aýrýhanalarynyń bas dárigerlerine mobıldi dıagnostıkalyq keshendi 6 kóliktiń kiltin tabystady. Aımaq basshysy óńirimizge alǵash ret jetkizilip otyrǵan keshen ishin aralap, jabdyqtarmen tanysty. Kóshpeli jaǵdaıdaǵy zertteýlerdiń keń spektrin júrgizýge arnalǵan medkeshen zamanaýı rentgen jáne flıýrografııa bólimi, EKG-12 arnaly apparat, gınekologııalyq tekserýge arnalǵan kreslo, qan saqtaýǵa arnalǵan tońazytqyshpen qamtylǵan. Sondaı-aq, shuǵyl jaǵdaıda bosandyryp alý múmkinshiligi qarastyrylyp, múgedek azamattardyń kirýine arnalǵan avtomatty túrde kóteriletin pandýs ornatylǵan.  Zamanaýı jyljymaly keshen Qostanaı qalasynda “SaryarqaAvtoProm” JShS-de qurastyrylǵan. Densaýlyq saqtaý basqarmasynyń basshylyǵy aldaǵy ýaqytta mundaı kólikterdiń sanyn arttyrý qajettiligi týyndaǵan jaǵdaıda mınıstrlikke usynys ázirlemek. 

Budan soń Ońdasyn Orazalın qaladaǵy medısınalyq mekemelerdiń jaı-kúıin baqylap, dárilik qordyń jetkiliktiligin tekserdi.
Aqtóbe oblystyq juqpaly klınıkalyq aýrýhanasynda boldy. Sondaı-aq, “Mamandandyrylǵan emdeý - aldyn alý kásiporny" MKK- de júrgizilgen kúrdeli jóndeýdiń sapasyn baqylady. 130 orynǵa arnalǵan medısınalyq mekeme ǵımaraty bıyl kúrdeli jóndeýden ótken. Aýrýhana pandemııa órshý qaýpi týyndaǵan jaǵdaıǵa tolyq ázir. Betperde, dári-dármek, zalalsyzdandyrǵysh quraldarmen tolyq qamtamasyz etilgen. Oblys ákimi “SK Farmasııa” kompanııasyna qarasty dári-dármek saqtaý logıstıkalyq qoımasynda boldy. Qoımada quny 3 mlrd-qa jýyq tg qarajatqa alynǵan dári qorlary saqtaýly. Munda Covid-19 kúresýge arnalǵan preparattar tolyǵymen jetkilikti. Aqtóbe oblysy boıynsha “SK Farmasııanyń" ókili Nurlan Jubanyshov oblys ákimine dári- dármek qorynyń jetkilikti ekendigin aıtty. Qoıma Aqtóbe oblysynan ózge Batys óńirin dárilik preparattarmen qamtamasyz ete alady.