Erjan Babaqumarov qaladaǵy dinı birlestikterdiń kóshbasshylarymen kezdesý ótkizdi

18 qazan kúni Qazaqstan boıynsha Rýhanı kelisim kúni atalyp ótedi. Bul mereke qala turǵyndaryn ulty men dinine qaramastan biriktirýge, qoǵamdaǵy turaqtylyq men kelismidi saqtsýǵa jáne odan ári damytýǵa baǵyttalǵan.

Búgin Almaty qalasy ákiminiń orynbasary Erjan Babaqumarov qalalyq Dinı birlestikter kóshbasshylary klýbynyń múshelerimen kezdesý ótkizdi. Atalǵan sharaǵa Qazaqstan musylmandary dinı basqarmasynyń, Orys pravoslavtyq shirkeýiniń, Rımdik-Katolıktik shirkeýiniń, Evangelshil-hrıstıan baptıstterdiń ókilderi jáne t. b. qatysty.

Kezdesý barysynda rýhanı kelisim salasyndaǵy ózara baılanys, toleranttylyq pen dástúrli qundylyqtar máselesi, sondaı-aq destrýktıvti dinı ıdeologııanyń taralýyna jol bermeý maqsatynda turǵyndarmen keri baılanysty kúsheıtý máseleleri talqylandy. Sonymen qatar, áli qaýpi seıilmegen pandemııa kezindegi halyqtyń aýyzbirshilikte bolýyna jeke toqtalyp ótti.

О́z kezeginde, Klýb músheleri Rýhanı kelisim kúniniń erekshe mańyzdylyǵyn atap óte otyryp, dinı birlestikterdiń budan ári jumysyna baılanysty óz usynystaryn jetkizdi.

Atap aıtqanda, qalanyń bas ımamy Erkinbek Shoqaı, Voznesendik kafedraldyq sobordyń klıýchary Aleksandr Sývorov jáne Almatydaǵy Qasıetti Úshtik eparhııasynyń bas vıkarııi Bednarskı Iаn Bogýmıl qatysýshylardy merekemen quttyqtap, birqatar usynystaryn bildirdi.

Shara barysynda Erjan Babaqumarov qalanyń qoǵamdyq ómirine belsene aralasqan Klýbtyń birqatar múshelerine uttyqaı otyryp, qala ákimi Baqytjan Saǵyntaevtyń atynan alǵys hattar tabystady.

Anyqtama: Almaty qalasy Din isteri jónindegi basqarmasynyń janyndaǵy erikti konsýltatıvtik-keńesshi organ bolyp tabylatyn Klýb óz qyzmetin 2017 jyldan bastap atqarýda jáne quramyna 30 jýyq ár túrli dinı birlestikterdi biriktiredi. Klýbtyń maqsaty din salasyndaǵy ózekti máselelerdi talqylaý bolyp tabylady. Sondaı-aq, Klýb músheleri Qazaqstan halqy assambleıasynyń jumysyna qatysa alady jáne dinı senim bostandyǵy salasyndaǵy zańnamany jetildirý boıynsha usynys engize alady.