Ulttyq qoǵamdyq senim keńesi otyrysynda memleket basshysy ulttyq jáne memlekettik joǵary oqý oryndaryn tek memleket menshiginde qaldyrý týraly tapsyrma berdi. Bul týraly QR Bilim jáne ǵylym mınıstri Ashat Aımaǵambetov Facebook paraqshasynda jarııalady.
 
Qazirgi ýaqytta memlekettik joǵary oqý oryndary kommersııalyq emes aksıonerlik qoǵamǵa aınaldy. Qurylymnyń ózgerýinen keıin el ishinde sol ýnıversıtetterdiń jekemenshikke satylýy múmkin degen kúdik paıda boldy.
 
– Prezıdent memlekettik joǵary oqý oryndarynyń satylmaıtyny týraly naqty aıtty. Bul – óte mańyzdy. Sebebi sol JOO-larda elimizdegi stýdentterdiń 40%-y oqıdy jáne 35 myńnan astam oqytýshy men qyzmetker jumys isteıdi. Olardyń basym bóligi XX ǵasyrdyń 30-40 jyldary quryldy jáne tarıhı turǵydan da elimizdiń basty salalyq joǵary oqý oryndary bolyp tabylady, – deıdi Aımaǵambetov.
 
Qazirgi ýaqytta joǵary oqý oryndarynyń 50%-y jekemenshik. Al bul óz kezeginde memlekettik JOO-ny jekeshelendirý otandyq bilim berý júıesiniń, ǵylymı-zertteý jáne ınnovasııalyq qyzmetiniń tutastyǵyna orny tolmas zııan keltirip, ýnıversıtetterdiń múliktik kesheniniń buzylýyna da sebep bolýy múmkin ekeni aıtyldy.
 
– Osylaısha, prezıdenttiń tapsyrmasy boıynsha memlekettik ýnıversıtetter kommersııalyq emes aksıonerlik qoǵamdar formasyna aýysqanymen jekeshelendirilmeıdi jáne memleket menshiginde qalady. Bul rette olar akademııalyq turǵyda áldeqaıda erkin jáne qoǵam aldynda esep berip, barynsha ashyq jumys isteı alady, – dedi mınıstr.
Ilmek sózder: Aımaǵambetov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir