12 Qazan, 2020 Áleýmet
Foto: azh.kz
Atyraý oblysynyń tótenshe jaǵdaı departamenti 10 qazanda Kaspıı jaǵalaýyndaǵy batpaqty jerde qurǵaq shóp pen qamys órtengenin habarlady, dep jazady azh.kz saıty.
– О́rttiń ishinde "VAZ-21214" kóligi men "Fregat" rezeńke qaıyǵy túgeldeı janyp ketken. О́rt ornyna eki tehnıka – avtosısterna men jol talǵamaıtyn "Trekol", sondaı-aq TJD 11 qyzmetkeri shyqty. Kún batqasyn órt sóndirý jumystaryn ýaqytsha toqtatýǵa týra keldi, sebebi batpaqty jermen qozǵalýǵa múmkin bolmady. О́rt aýmaǵy anyqtalýda. О́rt teńizge qaraı bettedi, eldi mekenderge qaýip tónip turǵan joq, – delingen oblystyq departament habarlamasynda.
О́rt saldarynan 11 qazanda Atyraýdyń turǵyndary aýadan kúıiktiń ıisin baıqap, qalanyń keı jerlerin tútin basqan. Jaǵymsyz ıis pen aspannyń túnerip ketkenine, ásirese, Damby aýyldyq okrýginiń turǵyndary kóp shaǵymdanǵan.
Jolaýshylar ushaǵynan túsirilgen beınejazbada órttiń aýqymy úlken ekeni baıqalady.
Buǵan deıin, qyrkúıek aıynda teńiz jaǵalaýynda qamys órtengen bolatyn. Ol kezde Shymkentten arnaıy jetkizilgen tikushaq órt oshaǵyna 10 ret 3 tonnadan sý sepken. Dál osyndaı jaǵdaı Atyraýda bir jyl buryn boldy: "Aqjaıyq" rezervatynda qamys órtenip, búkil Atyraýdy tútin basyp ketken edi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir