Koronavırýstan qaıtys bolǵan medısına qyzmetkeriniń sany belgili boldy

Densaýlyq saqtaý mınıstri Alekseı Soı koronavırýs ınfeksııasynan qansha medısına qyzmetkeriniń qaıtys bolǵanyn aıtyp, medısına qyzmetkerlerine ótemaqy tóleý jaǵy týraly málimdeme jasady.

– О́kinishke qaraı, pandemııa bastalǵaly Qazaqstan 182 medısına qyzmetkerinen aıyryldy. О́ńirlik komıssııalar búginde qaıtys bolǵan dárigerlerdiń týystarynan 58 ótinish boıynsha ótemaqy alýyn maquldady. Qazirgi ýaqytta 36 otbasy ótemaqy aldy. Bul baǵyttaǵy jumystar da jalǵasýda, – dedi ol.

Onyń aıtýynsha, 2020 jylǵy 30 qyrkúıekte COVID-19 jáne pnevmonııamen aýyratyn 12 830 medısına qyzmetkeri tirkelgen.

– Koronavırýs jáne pnevmonııamen aýyratyn 12 830 medısına qyzmetkeri  ishinde: 8 339 jaǵdaıy kásibı qyzmetpen baılanysty tirkeldi. О́ńirlik komıssııalar 8 320 isti qarady jáne mundaı jaǵdaılardyń 67%-yn rastady.  Búgingi tańda medısınalyq qyzmetkerlerdiń 88%-y nemese aımaqtyq komıssııa deńgeıinde rastalǵan jaǵdaılardyń 3 454-i COVID-19 boıynsha ótemaqy aldy, – dep atap aıtty Alekseı Soı.