11 Qyrkúıek, 2020 NEWS

Almatydaǵy «Baqytty otbasy» ortalyǵy kele jatqan Otbasy kúnimen quttyqtaıdy

egemen.kz


О́ńirlik kommýnıkasııalar qyzmetiniń alańynda ótken brıfıng barysynda «Baqytty otbasy» qalalyq ortalyǵynyń basshysy Zúlfııa Baısaqova men Naýryzbaı aýdandyq «Baqytty otbasy» ortalyǵynyń basshysy Sana Jandaı almatylyqtardy Otbasy kúnimen quttyqtady.

«El prezıdenti Qasym-Jomart Toqaev óz Joldaýynda otbasy jáne bala ınstıtýtyn qoldaýǵa, áleýmettik jaǵdaıy tómen otbasylarǵa júıeli kómek kórsetýge erekshe nazar aýdardy. Barlyq qazaqstandyqty otbasy kúnimen quttyqtaýǵa ruqsat etińizder. Otbasy-qoǵam ómiriniń jáne damýynyń negizi. Jyl saıyn qyrkúıektiń ekinshi jeksenbisinde Qazaqstanda otbasylyq qundylyqtardy dáripteý, mádenıetti, dástúr men rýhanılyqty saqtaý, óskeleń urpaqty tárbıeleý, sondaı-aq áleýmettik sıpattaǵy problemalardy eńserý úshin Otbasy kúni atap ótiledi», — dedi Z. Baısaqova.

Naýryzbaı aýdandyq «Baqytty otbasy» ortalyǵynyń basshysy Sana Jandaı almatylyqtardy quttyqtap, tilekterin bildirdi.

«Barlyǵy qazaqstandyqtardy otbasy kúnimen quttyqtaımyz! Álemniń eshbir keremeti týyp-ósken qara shańyraqty almastyra almaıdy! Ár úıde jylylyq, jaılylyq jáne qýanyshty kúnder kóp bolýyn tileımiz. Ár bala baqytty bolýǵa, molshylyq pen ál - aýqatta ósýge laıyqty», — dedi ol.

Esterińizge sala keteıik, 2019 jyldyń mamyr aıynan bastap Almaty qalasynda kóp balaly jáne az qamtylǵan otbasylarǵa arnalǵan áleýmettik ortalyq jumys isteıdi. Almaty qalasynyń ákimi Baqytjan Saǵyntaevtyń bastamasymen «Baqytty otbasy aýdandyq ortalyqtary ashyldy. Ortalyqtardyń qyzmeti kópbalaly jáne az qamtylǵan otbasylardyń ómir súrý sapasyn arttyrýǵa, ómirlik qıyn jaǵdaıdan shyǵý úshin otbasylardyń ekonomıkalyq jaǵdaıy nyǵaıtýǵa baǵyttalǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir