Armenııa 18-55 jas aralyǵyndaǵy er adamdardyń elden shyǵýyn shektedi

Armenııa Taýly Karabahtaǵy qaqtyǵysqa baılanysty 18 ben 55 jas aralyǵyndaǵy er adamdardyń elden shyǵýyna shekteý qoıdy. Elden shyqqysy keletinder áskerı komıssarıattan ruhsat alýǵa tıis, dep habarlady Sputnik Armenııa.

Erevan elde áskerı jaǵdaı engizip, jappaı mobılızasııa jarııalaǵan. El bıligi 55 jasqa deıingi zapastaǵy ofıserlerdi, praporshıkter men qatardaǵy jaýyngerlerdi áskerge shaqyrdy.

О́z kezeginde Ázerbaıjanda da áskerı jaǵdaı engizilip, Ázerbaıjan ulttyq jıyny shaqyryldy. Qala men aımaqtardaǵy áskerı bólimderde komendattyq saǵat engizildi. Sondaı-aq elde ishinara mobılızasııa jarııalandy.

Taýly Qarabaq aımaǵyndaǵy qaqtyǵys 27 qyrkúıekte bastalǵan. Taraptar qaqtyǵystyń týýyna birin-biri kinálaıdy.

Ázerbaıjan alǵashqy kúndegi qaqtyǵys kezinde Armenııanyń 550 soldaty qaza bolǵanyn habarlaǵanymen, Armenııa muny joqqa shyǵardy.

28 qyrkúıekte táýelsizdigi moıyndalmaǵan Taýly Karabah Respýblıkalysynyń qorǵanys mınıstrligi elde qarýly qaqtyǵystar saldarynan 53 áskerıdiń ólgenin habarlady.