Foto: Kórneki sýret

Elimizdiń bolashaǵy – balalardyń alańsyz bilim alýy maqsatynda jyl saıyn turmysy tómen otbasy balalaryna kómek kórsetilip keledi. Osy oraıda QR Bilim jáne ǵylym mınıstrliginiń «Mektepke jol» jalpy respýblıkalyq aksııasy aıasynda «Atamekenim» qoǵamdyq qorynyń qoldaýymen www.atamekenim.kz portaly ashylyp, atalǵan saıtqa Ile aýdanyndaǵy № 15 mektepten 64 ata-ana tirkelgen bolatyn.

Jyl boıy jalǵasyn tabatyn «Mektepke jol» aksııasy aıasynda K. Ázirbaev atyndaǵy №15 orta mektebiniń 7 «G» synyp oqýshysy, kópbalaly otbasynan shyqqan Oksana Smırnovaǵa Ile aýdany veterınarııalyq stansysynyń dırektory Murat Mankeev smartfon syılady. Mekteptiń dırektory Saltanat Bekturǵanova kópbalaly, ál-aýqaty tómen otbasyn «Nokia» uıaly telefony jáne azyq-túlikpen qamtysa, mektep ákimshiligi úıden oqıtyn qyz balaǵa smartfon alyp berdi. 4 «Z» synyp jetekshisi Sh. Jumataeva az qamtylǵan otbasynan shyqqan oqýshynyń qashyqtan oqýyna múmkindik ashyp, kompıýter men ǵalamtor jelisin ornatyp berdi. Budan basqa da 40-qa jýyq kópbalaly, az qamtylǵan, tolyq emes otbasynan shyqqan oqýshylarǵa keńse zattary, sómke, rıýkzak berilip, ǵalamtorǵa qosylý úshin kómek kórsetildi. Sonymen qatar, mektep tarapynan 50-ge jýyq kompıýter onlaın formatynda oqý úshin oqýshylarǵa ýaqytsha paıdalanýǵa berildi.

"Qamshy" silteıdi
Ilmek sózder: ile ilkimdi ister

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir