21 Qyrkúıek, 2020 Almaty oblysy
Foto: Qaıyrymdylyq kezinde túsirilgen
«Qaıyrymdylyq jasasań, qaıyryn óziń kórersiń», — deıdi dana halqymyz. Qamshynyń sabyndaı qysqa ómirde shama-sharqyń kelgenshe turmysy tómen jandarǵa qol ushyn bergenge ne jetsin! Iá, qaıyrymdylyq jasaý úshin asyp-tasyp baı bolýdyń qajeti joq. Kez kelgen qıyn jaǵdaıda adam balasy ár túrli baǵytta kómek qolyn soza alady. Taldyqorǵan qalasynda da elim degen atymtaı jomarttar jeterlik.
Oǵan dálel Taldyqorǵan qalalyq polısııa basqarmasynyń ıgi isi. Olar turmysynda qıynshylyǵy bar 80 otbasyǵa azyq-túlik taratty. Aıta keteıik, áleýmettik kómek demeýshilerdiń qoldaýymen iske asyp otyr. Igi sharaǵa tártip saqshylary men birge qalalyq ishki saıasat bóliminiń mamandary da uıytqy boldy. Olar polısııa basqarmasynda esepte turǵan azamattardyń úıin aralap, tosynnan tartý jasady. Azyq-túlik salynǵan pakette oqýshylarǵa qalam men dápter de qarastyrylǵan.
«Qaıyrymdylyq jasasań, qaıyryn kórersiń» degendeı, qaıyrly istiń urshyǵyn ıirgen jomart jandar naǵyz adamgershiliktiń úlgisin kórsete bildi. Olardyń isi kópke úlgi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir