21 Qyrkúıek, 2020 NEWS
Foto: ındýstrııa jáne ınfraqurylymdyq damý mınıstrliginiń saıty
Mınıstrlik taratqan aqparattyq habarlamaǵa saı, tamyz aıynda otandyq avtodılerler jalpy somasy 94,4 mlrd teńgege 8 639 jeńil avtokólik pen kommersııalyq tehnıkany, sondaı-aq 1 112 júk kóligi men avtobýs satqan. Bul ótken jyldyń tamyzymen salystyrǵanda 49,8 paıyzǵa artyq.
"Barlyq satylymdardyń 67%-dan astamyn bes túrli marka quraıdy. Bul aıda jeńil avtomobılderdiń ishinde Hyundai markaly kólikter eń kóp satylyp, 1697-ge jetti. Atalǵan kórsetkish bıylǵy shilde aıymen salystyrǵanda 37,1% kóp. Ekinshi orynda 1642 kórsetkishpen Lada avtokóligi tur. Naryqqa naýryzda oralǵan Chevrolet avtokólikteriniń tamyzda 1279-y satylyp, 258% ósim kórsetti. Tórtinshi orynda 1173 danasy satylǵan Toyota avtokóligi. О́sim +38% qurady.
B synypty qoljetimdi lokalızasııalanǵan úlgilerine suranys burynǵysynsha artyp keledi.
Tamyzda osy segmenttiń bir bóligin alatyn Qostanaıda qurastyrylǵan Ravon avtomobılderiniń 817 danasy satyldy. Altynshy orynda turǵan Kia kólikteriniń 587-si ótken aıda satyldy. JAC dılerleri 408 avtomobıl satty. (+148,8%). Tamyz aıynda segizinshi orynǵa Volkswagen avtomobılderi jaıǵasty. 281 danasy satylyp, +24,3% ósim kórsetti. Alǵashqy ondyqty túıindeıtin Nissan jáne Renault markalary tıisinshe 247 jáne 215 birlikti qurap, 22,3% jáne 18,1% artqan.
Jeńil modelder boıynsha tamyzda 730 birligi satylǵan Ravon Nexia R3 sedan kósh bastap tur. Ekinshi orynǵa alǵash ret Chevrolet Cobalt shyqty – 675 sedan. Tamyzdyń úzdik úshtigin 608 avtomobıl nátıjesimen Lada Vesta túıindedi. Tórtinshi orynda – Hyundai Accent (553 birlik). Budan ári tizim boıynsha: Toyota Camry (486 birlik), Lada Granta (460 birlik), Hyundai Tucson (422 birlik), Kia Rio (343 birlik), Hyundai Creta (330 birlik), Lada 4x4 (299 birlik)" delingen aqparattyq habarlamady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir