Foto: inform.kz

Qazaqstan kommýnıstik halyq partııasy Nur-Sultan qalalyq komıtetiniń keńsesinde halyqqa nesıe raqymshylyǵyn jasaý bastamasyna baılanysty otyrys ótkizdi.

Keshe kommýnıster halyqtyń, shaǵyn jáne orta bıznestiń nesıege batyp ketkenin aıtyp, pandemııaǵa deıin salyqty ýaqytyly tólegen jeke jáne zańdy tulǵalarǵa keń kólemdi nesıe amnıstııasyn jarııalaýdy usynǵan.

Partııanyń parlamentindegi fraksııasynyń jetekshisi Aıqyn Qońyrov aıtýynsha, qazirgi zańnamaǵa sáıkes azamattardyń alǵan qaryzy úshin bankter men mıkroqarjylyq uıymdardyń aldyndaǵy jaýapkershiligi kúsheıgen. Qarjylyq ınstıtýttar qaıtarylmaǵan qaryzdar úshin azamattardyń quqyǵyn shekteı alady.

– Keıbir qarjylyq ınstıtýttar azamattardyń el ishinde qozǵalysyn shekteýge deıingi quzyretke ıe bolǵan. Tipti poıyz ben ushaqqa otyrǵyzbaýǵa deıingi jaǵdaılar kezdesedi. Munyń aqyry ekonomıkany degradasııaǵa ushyratynyn eskerý kerek, – dedi ol.

Aıqyn Qońyrovtyń sózine sensek, bank sektorynyń ekonomıkanyń shynaıy sektoryndaǵy kúshi basym.

– Ekonomısterdiń aıtýynsha bul jaǵdaı qazir óziniń logıkalyq túıinine taqap qalǵan. О́tken ǵasyrda Batys elderiniń bankırleri men kapıtalısteri ekonomıkanyń basym bóliginiń nesıege batý máselesimen betpe-bet kelgen. Alaıda keıin sovet bıligi qulap qaldy da, jańa naryqtarǵa jol ashyldy. Tıisinshe, olar bul júıeni jalǵastyrý múmkindigine ıe boldy. Biraq bizdegi jaǵdaıdy oılaıyq. Qazir Qazaqstan halqynyń 90 paıyzynda nesıe bar. Qazir kóp adamda endi nesıe alatyn jaǵdaı da joq. Sebebi jańadan qaryz alý úshin eskisin jabýyń kerek. Al eski nesıeni jabý úshin tabysyń bolýy tıis. Al devalvasııaǵa baılanysty halyqtyń tabysy túsip ketti. Sol sebepti halyqta ony jabar shama da joq, – deıdi ol.

Derekkóz: inform.kz

Ilmek sózder: nesıe amnıstııasy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir