Karantın jeńildetildi. 17 qyrkúıekten bastap Qazaqstanda qandaı ózgerister bolady?

Qazaqstan Respýblıkasynyń Bas memlekettik sanıtarlyq dárigeriniń  karantın týraly 2020 jylǵy 15 tamyzdaǵy qaýlysyna ózgerister men tolyqtyrýlar engizildi. Bul týraly qamshy.kz habarlaıdy. 

QR Bas memlekettik sanıtarlyq dárigeri – Aıjan Esmaǵambetovanyń 2020 jylǵy 16 qyrkúıektegi qaýlysyna sáıkes karantın rejımi tómendegideı jeńildedi:  

"Karantındik shekteý sharalary jáne olardy kezeń-kezeńimen jeńildetý týraly" jańa jarlyqqa sáıkes (16 qyrkúıekte qol qoıylǵan) ashyq jáne jabyq kafe men meıramhanalarǵa kelýshiler sany 30-dan 50 adamǵa deıin ósti.

Maska rejımin jáne áleýmettik araqashyqtyqty saqtaı otyryp, ashyq aspan astyndaǵy kınoteatrlardy paıdalanýǵa ruqsat etilgen.

50 paıyzdan aspaıtyn, 50 adamnan aspaıtyn teatrlardyń qyzmetine ruqsat etildi. infokazakhstan.kz portalyna tirkele otyryp, maska rejımin jáne áleýmettik araqashyqtyq saqtalýy tıis. 

Saýda-oıyn-saýyq ortalyqtarynda (jeke úı-jaılarda) ornalasqan, 50 orynnan aspaıtyn qoǵamdyq tamaqtandyrý obektileriniń jumysyna ruqsat etilgen. Alaıda ujymdyq is-sharalardy ótkizýge bolmaıdy. 

Balalardy túzetý kabınetteriniń/ortalyqtarynyń, balalar men eresekterge arnalǵan bilim berý ortalyqtarynyń qyzmetine top 15 adamnan aspaı toltyrylǵanda, aldyn ala jazylý boıynsha, karantın talaptary saqtalǵan jaǵdaıda ruqsat berildi.

Memlekettik organdardyń (uıymdardyń, kásiporyndardyń), kvazımemlekettik sektor organdarynyń, ulttyq kampanııalardyń, ózge de uıymdardyń, sondaı-aq kásipkerlik sýbektileriniń qyzmetine ruqsat etildi. Shtattyq kestede 30-dan astam qyzmetker bolǵan jaǵdaıda, qyzmetkerlerdiń keminde 50%-y qashyqtyqtan jumys isteý nysanynda qaldyrylady. 

Kóńil kóterý mekemeleriniń (karaoke, bılıard, kompıýterlik klýbtar, túngi klýbtar, boýlıng ortalyqtary, balalar oıyn alańdary men jabyq keńistiktegi attraksıondar, batýttar jáne basqalary), kınoteatrlardyń (ashyq kınoteatrlardy qospaǵanda), býkmekerlik keńselerdiń qyzmetine tyıym salynady.

Qujattyń tolyq mátini Densaýlyq saqtaý mınıstrligi Taýarlar men qyzmetterdiń sapasyn baqylaý jáne qaýipsizdik komıtetiniń paraǵynda jarııalanǵan. Qujatta qaýly qol qoıylǵan kúninen bastap kúshine enetini jaıly jazylǵan.