«Quıylsyn kóshiń, jıylsyn esiń»

QAZAQSTAN RESPÝBLIKASYNYŃ PREZIDENTI NURSULTAN NAZARBAEVQA AShYQ HAT

Qurmetti Nursultan Ábishuly!

Siz elimiz óz táýelsizdigin jarııalaǵannan keıingi sanaýly kúnderde-aq, dálirek aıtqanda, 1991 jyly 31 jeltoqsanda Qazaqstannyń tuńǵysh prezıdenti salaýatyńyzben   Qazaq radıosy arqyly shetelderdegi qazaqtarǵa arnap bylaı degen edińiz: «Qymbatty otandastar! Ejelgi atamekennen jyraqtap qalǵan sizderdi keshegi kúnge deıin «Ata-baba jerine qaıta kele alamyz ba?» degen suraqtyń alańdatyp kelgenin men jaqsy bilemin. «Týǵan jerdiń tútini de ystyq» deıdi halqymyz. Qandas baýyrlarymyzdy baıyrǵy ata qonysyna tartý maqsatynda adam quqyǵy týraly el aralyq erejelerdi basshylyqqa ala otyryp, Qazaqstan úkimeti: Basqa respýblıkalardan jáne shetelderden selolyq jerlerde jumys isteýge tilek bildirýshi baıyrǵy ult adamdaryn Qazaqstanda qonystandyrýdyń tártibi men sharttary týraly arnaıy qaýly qabyldady. Sondyqtan, Atamekenge kelemin deýshi aǵaıynǵa jol ashyq. Ata-baba arýaǵy aldaryńyzdan jarylqasyn!»

 Jan tebirenterlik, júrekjardy osy sózińizden soń sizge sengen jat jurttaǵy aǵa¬ıyn ata jurtqa aǵylyp edi.

Sodan sońǵy 22 jylda 860 myńǵa jýyq qandasymyz óz otanymen qaýyshyp, qatarymyz mıllıonnan astam qazaqpen tolyqty. Bul, sóz joq, ultymyzdyń uly jetistigi!

О́kinishke qaraı, jýyqta Respýblıka Úkimetiniń eńbek mıgranttaryna baılanysty ázirlegen zań jobasynda óz qandastarymyzǵa qarsy baǵyttalǵan baptardyń tyqpalanýy jáne ony qos palataly parlamenttiń maquldaýy el-jurtty qatty alańdatty. Ásirese, elge oralǵan  qandastarymyzdy óz eliniń azamattyǵyn alý úshin tabany kúrekteı bes jyl boıy saryla kútkizetin zań talaptaryn engizýdi eshqandaı jolmen aqtap alýǵa kelmeıdi. Mundaı qadam qyzyl ımperııa tusynda alýan túrli ulttyq qasiretti bastan ótkergen qazaqtyń búgingi urpaqtaryna bes jyl boıy azamattyq bermeý –  qazaq halqyn odan ary qorlaý dep bilemiz. О́z taǵdyryn óziniń táýelsiz otanymen baılanystyryp, Sizdiń arqańyzda bólinip-jarylǵan taǵdyrmen máńgilikke qoshtasýdan úmitti aǵaıyndar úkimet pen parlamentke qatty ókpeli! Endigi jalǵyz úmiti tek Sizde ǵana!

Biz, qazaq zııalylary, jáne qalyń qaýym ultymyzdyń uıysýyna jáne ulttyq memleketimizdiń saltanat qurýyna qarsy baǵyttalǵan, oılanbaı jasalǵan mundaı qateliktiń kesiri tarıhı ádilettilikti aıaqqa taptap, mıllıondaǵan qandastarymyzdyń úmitin jelge ushyryp, taǵdyryn tálkekke salýmen birge, áleýmettik jiktelister men narazylyqtarǵa muryndyq bolatynyna qatty alańdaýlymyz. Eń ókinishtisi, munyń saldary sizdiń «Quıylsyn kóshiń, jıylsyn esiń» dep, tabandy túrde bastaǵan kóshi-qon saıasatyńyzǵa kóleńke túsiredi, qazaq kóshin qurdymǵa ketiredi. Ulttyq múddemiz asa aýyr shyǵynǵa ushyraıdy!

Qadirmendi Nursultan Ábishuly!

Biz sizdiń ult múddesine qarsy baǵyttalǵan mundaı túbi shıki zań jobalaryna qol qoıý arqyly ózińiz bastaǵan uly kóshtiń buıdasyn óz qolyńyzben qıyp tastamaıtynyńyzǵa   senemiz!

Ábdijámil Nurpeıisov, Qabdesh Jumadilov, Tursynbek Kákishev, Mekemtas Myrzahmetov, Dýlat Isabekov, Smaǵul Elýbaev, Ǵabbas Qabyshev, Asyly Osmanova,        Januzaq Ákim, Záýresh Battalova, Saılaý Batyrshauly, Sapabek Ásipov, Zardyhan Qınaıat, Mámbet Qoıgeldi, Álimǵazy Dáýlethan, Marat Toqashbaev, Ermurat Bapı, Qazybek Isa, Artyqbaı Úkibaev, Aıdos Sarym, Rahym Aıypuly, Dáýren Qýat.