Prezıdent Qasym-Jomart Toqaev ortalyq atqarýshy organdar basshylarynyń, ákimderdiń, ulttyq joǵary oqý oryndary rektorlarynyń halyqqa esep berý kezdesýlerin ótkizýi týraly jarlyqqa ózgeris engizdi, dep habarlaıdy Aqorda.

О́zgeris engen jarlyqtyń jańa redaksııasynyń tolyq mátini tómende usynylyp otyr.

"Ortalyq atqarýshy organdar basshylarynyń, ákimderdiń, ulttyq joǵary oqý oryndary rektorlarynyń halyqqa esep berý kezdesýlerin ótkizý týraly" Qazaqstan Respýblıkasy Prezıdentiniń 2016 jylǵy 5 aqpandaǵy № 190 Jarlyǵyna (Qazaqstan Respýblıkasynyń PÚAJ-y, 2016 j., № 14, 53-qujat) mynadaı ózgerister men tolyqtyrý engizilsin:

1-tarmaq mynadaı redaksııada jazylsyn:

"1. Ortalyq atqarýshy organdardyń (Qazaqstan Respýblıkasynyń Qorǵanys, Syrtqy ister mınıstrlikterin qospaǵanda) basshylary jyl saıyn ekinshi toqsan ishinde óńirlermen beınekonferensbaılanysyn, áleýmettik jelilerdegi resmı akkaýnttarda jáne buqaralyq aqparat quraldary salasyndaǵy ýákiletti organ aıqyndaıtyn aqparattyq ınternet-resýrsta onlaın-translıasııalar uıymdastyra otyryp, jurtshylyq ókilderimen esep berý kezdesýlerin ótkizsin, olardyń barysynda elde iske asyrylyp jatqan reformalar, əleýmettik-ekonomıkalyq damý, strategııalyq josparlardyń túıindi kórsetkishterine qol jetkizý men tıisti salalardy damytý jónindegi mindetter, olardyń problemalary men sheshý joldary, Ulttyq ál-aýqat qoryn qospaǵanda, memlekettik kásiporyndardyń,  memleket baqylaıtyn aksıonerlik qoǵamdar men jaýapkershiligi shekteýli seriktestikterdiń (budan ári – memleket qatysatyn uıymdar) qoıylǵan mindetterdi oryndaý qorytyndylary jáne qarjy-sharýashylyq qyzmetiniń qol jetkizilgen nátıjeleri týraly  habardar etsin.

Ulttyq basqarýshy holdıngter, ulttyq holdıngter, ulttyq kompanııalar aksııalarynyń memlekettik paketin ıelený jáne paıdalaný quqyǵyn júzege asyratyn memlekettik organdar osy uıymdar basshylarynyń qarjy-sharýashylyq qyzmettiń qorytyndylary týraly jyl saıynǵy negizde úshinshi toqsan ishinde áleýmettik jeliler arqyly jurtshylyq ókilderimen
ınternet-konferensııalar ótkizýi úshin sharalar qabyldasyn".;

5-tarmaq mynadaı mazmundaǵy 3) tarmaqshamen tolyqtyrylsyn:

"3) Ulttyq ál-aýqat qoryn qospaǵanda, memleket qatysatyn uıymdardyń birinshi basshylarynyń halyqqa esep berý kezdesýlerine qatysýyn qamtamasyz etsin";

6-tarmaq mynadaı redaksııada jazylsyn:

"6. Esep berý kezdesýleri jáne azamattardy qabyldaý aıaqtalǵan kúnnen bastap kúntizbelik on kúnnen keshiktirmeı esepterdi, memleket qatysatyn uıymdardyń qoıylǵan mindetterdi oryndaý qorytyndylary jáne qarjy-sharýashylyq qyzmetiniń qol jetkizilgen nátıjeleri týraly aqparatty (qoljetimdilik shekteýli aqparatty qospaǵanda) jáne esep berý kezdesýlerinde halyq kótergen problemalyq máselelerdiń tizbesin olardy sheshý boıynsha tıisti sharalar qabyldaý merzimderin kórsete otyryp:

Ortalyq atqarýshy organdardyń basshylary jáne oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń, qaladaǵy aýdandardyń ákimderi – tıisti memlekettik organnyń resmı ınternet-resýrstarynda jáne (nemese) "elektrondyq úkimet" veb-portalynda;

aýdandyq mańyzy bar qalalardyń, aýyldyq okrýgterdiń, kentter men aýyldardyń ákimderi buqaralyq aqparat quraldarynda, bar bolǵan jaǵdaıda ákimder apparattarynyń resmı ınternet-resýrstarynda jáne (nemese) "elektrondyq úkimet" veb-portalynda ornalastyrýdy qamtamasyz etsin.

Osy Jarlyq alǵashqy resmı jarııalanǵan kúninen bastap qoldanysqa engiziledi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir