Birqatar qylmystar úshin qarastyrylǵan jazany qatańdatý aýyr qylmystar kórsetkishiniń 73%-ǵa ósýine áser etti. Bul týraly Ortalyq kommýnıkasııalar qyzmeti alańynda Bas prokýrordyń orynbasary Marat Ahmetjanov málimdedi. Sonymen qatar, onyń aqparaty boıynsha, qazir sotqa jiberiletin mundaı isterdiń sany 1,5 esege (11,2 myńnan 16,8 myńǵa deıin) kóbeıdi. Nátıjesinde, qylmystyq isterdi qaraý nátıjeleri boıynsha qylmystyq elementterdiń kóbi naqty jáne laıyqty jazasyn alýda.

Bas prokýratýranyń ókili mal urlyǵy úshin jazany qatańdatýǵa jeke toqtaldy. Marat Ahmetjanovtyń aıtýynsha, bul másele Memleket basshysynyń jeke baqylaýynda.

«Halyqtyń áleýmettik-ekonomıkalyq jaǵdaıy úshin maldyń zor mańyzyn, sondaı-aq uıymdasqan qylmys quramyndaǵy mal urlyǵynyń buryn jıilep ketken faktilerin eskere otyryp, Qylmystyq kodekske «mal urlaý» (188-1) jeke baby engizildi. Bul óz nátıjesin berdi. Búgingi tańda mal urlyǵy 24%-ǵa (2868-den 2174-ke deıin) tómendedi», - dedi M.Ahmetjanov.

Bas prokýrordyń orynbasary atap ótkendeı, jazanyń aýyrlyǵy men tatýlasýǵa tyıym salý mal urlaýǵa aıtarlyqtaı tosqaýyl boldy

«Ústimizdegi jyldyń mamyr aıynda Túrkistan oblysynda mal urlyǵymen aınalysqan qylmystyq top ustaldy. Olar 200-ge jýyq iri qara malyn urlap, aýyl turǵyndaryna mıllıondaǵan shyǵyn keltirdi. 1 qyrkúıekte sot mal urlyǵy týraly jańa bap boıynsha bes adamdy 8 jylǵa bas bostandyǵynan aıyrdy», - dep mysal keltirdi Bas prokýratýranyń ókili.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir