27 Tamyz, 2020 NEWS

ShQO-daǵy orta bilim berý uıymdary bıylǵy oqý jylynda jańa mazmundaǵy berý júıesine tolyq kóshiriledi

Foto: ShQO aqparat ortalyǵy

ShQO ákimi Danıal Ahmetovtiń qatysýymen ótken dástúrli tamyz konferensııasynda orta bilim berý uıymdaryn jańartylǵan bilim berý mazmunyna kóshirýge barlyq jaǵdaı jasalǵany belgili boldy.

Aımaq basshysy Danıal Ahmetov óz sózinde jańartylǵan mazmunda bilim berý boıynsha 23 myń muǵalim bilimin jetildirip, 1,5 mln oqýlyq satyp alynǵanyn atap ótti. Oqýshylar 100% oqýlyqpen qamtamasyz etiledi.

Bilim basqarmasynyń basshysy Saırangúl Jumadilovanyń aıtýynsha, bıylǵy jyly 11 synyp oqýshylary jańa formatta bilim alady. Atap aıtsaq, "Kásipkerlik negizderi jáne bıznes", "Grafıka jáne dızaın", "Alǵashqy áskerı-tehnıkalyq daıyndyq" pánderi. 9,11 synyptar jańa formatta qortyndy attestasııa tapsyrady. Sonymen qatar jańa formattaǵy bilim berý júıesine sáıkes úshtildilikke de basa nazar aýdarylýda. Bıyl kóptildilik baǵdarlamasy boıynsha nemis jáne fransýz tilderin oqytý engiziledi.

Jańa baǵdarlamany júzege asyrý maqsatynda 1 myńnan astam muǵalim kýrstan ótti. Nátıjesinde, pedagogterdiń til meńgerý ádistemesiniń deńgeıi 80-nen 89% artyp, qatysýshylardyń til bilýiniń ortasha deńgeıi 35% qurady. О́tken jyly bul kórsetkish 20% bolǵan.

Eki jyldyń ishinde 2650 pedagogti qosymsha daıyndaý josparlanyp otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir