"Bas jazatyn" jańa dári shyqty

Ádette spırttik ishimdik ishken kúnniń ertesinde bas aýyrý, meńzeń bolý sııaqty jaısyzdyq bolady. Sol jaısyzdyqty jeńý úshin kóptegen adamdar taǵy da ishkendi jón kóredi. Sebebi taǵy da ishkende adamnyń nerv júıesi ýlanatyndyqtan aýrýdy sezbeıdi. Biraq ertesinde taǵy da dál solaı jaısyzdyq týylady. Ony jeńý úshin taǵy da ishýge týra keledi, solaı bul úrdis qaıtalana beredi. Kóp ishetin adamdar bul úrdisti "bas jazý" dep atap ketken.

Helsınkı ýnıversıteti men Shyǵys Fınlandııa ýnıversıtetiniń ǵalymdary spırttik ishimdikterdi ishken soń týylatyn bas aýyrý, meńzeń bolý sııaqty jaısyzdyqtardy bolǵyzbaıtyn jańa dári shyǵardy. Iаǵnı ishken kúnniń ertesinde "bas jazý" kerek emes.

Fınlıandııalyq ǵalymdar 1200 mıllıgram L-sısteın amın qyshqylynyń (amino acid L-cysteine) "bas jazýdy" azaıtatynyn anyqtaǵan.

Olar 19 eriktige tájirıbe jasap, ár kg salmagyna ár 3 saǵat saıyn 1.5 g araq ishkizip sońynda bir tabletka L-sısteın berip nátıjesin baqylaǵan.

Zertteý nátıjesi boıynsha 600-1200 mıllıgram L-sısteın "bas jazýdy" aıtarlyqtaı tómendetkeni belgili bolady.

Zertteý nátıjesin Alkogol jáne alkogolızım jýrnalyna (Journal of Alcohol and Alcoholism) jarııalaǵan.

Ǵalymdardyń aıtýynsha zertteýdiń nátıjesi Evropany jaılaǵan alkogolızım (alqashtyq) aýrýyn azaıtady deıdi.

Avtor: Jeksen Toqtarbaı