2021 jylǵy 1 qańtardan bastap mıkrokredıt berýdi qarjy naryǵyn retteý jáne damytý agenttiginiń lısenzııasyn alǵan uıym ǵana júrgize alady. Bul týraly atalǵan agenttik basqarma tóraǵasynyń orynbasary Nurlan Ábdirahmanov PrimeMinister.kz-ke bergen suhbatynda aıtty.

N. Ábdirahmanovtyń aıtýynsha, 2019 jylǵa deıin qazaqstandyqtar shaǵyn nesıeleý qyzmetterin belsendi paıdalanǵan. Osyǵan baılanysty osy sektorda belgili bir problemalar jınaqtaldy.

– Adamdar kóbinese mundaı uıymdardyń joǵary paıyzdyq mólsherlemeler ornatýynan, ósimpuldar men aıyppuldar salýynan zardap shekti. Sondaı-aq ótken jyly biz alaıaqtyqtyń jekelegen faktilerin baıqadyq. Osyǵan baılanysty 2019 jyly osy jyldyń basynan bastap shaǵyn nesıeleý kompanııalaryn retteýdi, sondaı-aq olardyń bıylǵy 1 shildege deıin agenttikte mindetti eseptik tirkeýden ótýin engizgen zań qabyldandy, – dedi ol.

Alaıda pandemııa karantınine baılanysty kóptegen shaǵyn nesıeleý kompanııalarynyń qyzmeti shekteldi, ýaqytsha toqtatyldy, eseptik tirkeýden barlyǵy óte almady, sondyqtan eseptik tirkeý merzimi 1 qyrkúıekke deıin uzartyldy.

Qazirgi kezdegi jaǵdaı boıynsha 1 104-ke jýyq shaǵyn nesıeleý kompanııasy, onyń ishinde 562 lombard, 380 shaǵyn qarjylandyrý kompanııasy jáne 182-ge jýyq kredıttik seriktestik tirkeýden ótken.  

Sonymen qatar kelesi jyldan bastap mindetti lısenzııalaý engiziledi. Iаǵnı, qazir – eseptik tirkeý, al kelesi jyldan bastap barlyq shaǵyn nesıeleý kompanııalaryn mindetti túrde lısenzııalaý bolady. Agenttik tıisti túzetýler ázirledi. Olar kelesi jyldyń 1 qańtarynan bastap mıkrokredıtter berýdi agenttiktiń lısenzııasyn alǵan uıym ǵana júrgize alady dep qarastyrady.

Ilmek sózder: mıkroqarjyuıymy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir