12 Tamyz, 2020 NEWS

Qalı Sársenbaı: Medeý aýdanynyń ákimin senat depýtattarynyń saılaýyna laıyq dep sanaımyn

Foto: turkystan.kz

Almaty qalalyq máslıhatynyń depýtaty, "Almaty aqshamy" gazetiniń bas redaktory Qalı Sársenbaı Senat depýtattarynyń saılaýyna usynylǵan Medeý aýdanynyń ákimi Sultanbek Mákejanovtyń laıyqty adam ekenin aıtty.

– Ol kisi qalanyń ekonomıkasynyń damýyna úlken eńbek sińirdi. Uzaq jyldyq tájirıbesi bar maman retinde daýsymdy osy kisige berdim. Meniń oıymsha tájirıbesi mol, bilim-biligi, parasat-paıymy jetkilikti adamdar joǵary zań shyǵarýshy organdarǵa qajet. Sondyqtan men Sultanbek Mákejanovtyń kandıdatýrasyn tolyqtaı qoldadym, – dedi Qalı Sársenbaı. 

Ol óz sózinde Sultanbek Mákejanovty Medeý aýdanynyń ákimi qyzmetine eki ret taǵaıyndalǵanyn atap ótti.

– Qatelespesem, ol kisi  eki ret Medeý aýdanyna ákim bolyp taǵaıyndalǵan. Eger de onyń tájirıbesi, iskerligi bolmasa ekinshi ret ákimdikke saılanbaıtyn edi. Qyzmette ózin-ózi kórsetip qana qoımaı, qala ákiminiń orynbasary bolǵan kezde de bıikten kórinip, abyroıly ister atqara bildi. Qala turǵyndarynyń yqylasyna bólengen adam ekeni barshasyna málim. Sol úshin de bul kisiniń kandıdatýrasyn senat depýtattarynyń saılaýyna laıyq dep esepteımin, – dep sózin túıindedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir