11 Tamyz, 2020 NEWS
themedialine.org
Lıvan densaýlyq saqtaý mınıstri Hamed Hasan mınıstrler kabınetiniń jınalysynan keıin úkimet otstavkaǵa ketetinin málimdedi. Bul týraly RIA novostı habarlady.
Premer-mınıstr Hassan Dııab jergilikti ýaqyt boıynsha 19.30-da (Qazaqstan ýaqytymen 22:30) resmı málimdeme jasaıdy.
Buǵan deıin 10 tamyzda úkimetke qarsy jappaı narazylyqtardan keıin Lıvan mınıstrler kabınetiniń eki múshesi birden otstavkaǵa ketken. Birinshisi – aqparat mınıstri Manal Abdel Samad bolsa, ekinshisi – qorshaǵan orta jáne ákimshilik damý mınıstri Damıanos Kattar.
El astanasy Beırýtte bolǵan joıqyn jarylystan keıin 8 tamyzda myńdaǵan adam úkimetke qarsy mıtıngke shyqqan. Olar úkimettiń otstavkaǵa ketýin talap etip, ereýil sońy jappaı qaqtyǵysqa ulasqan.
Demonstranttar tórt mınıstrlik pen bank qaýymdastyǵy ǵımarattaryn basyp aldy. Keıinirek armııa narazylyq bildirýshilerdi úkimettik keshenderden shyǵarǵan. Eldiń ishki ister mınıstrligi qaqtyǵys kezinde bir quqyq qorǵaýshynyń qaıtys bolǵanyn habarlady.
Resmı derekterde qaqtyǵys saldarynan 700-den astam adamnyń zardap shekkeni aıtyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir