Almatynyń quqyq qorǵaý organdary dárilerdi zańsyz júzege asyrýdyń 44 faktisin anyqtady

Memleket basshysynyń jáne QR Bas Prokýrorynyń tapsyrmalaryn oryndaý aıasynda árbir aýdanda quramyna prokýratýranyń jedel qyzmetkerleri, ákimdik, Taýarlar men qyzmetterdiń sapasy men qaýipsizdigin baqylaý departamentiniń, jergilikti polısııa qyzmeti ókilderi engen mobıldi toptar qurylǵan jáne qyzmet etýde.

Mobıldi toptar dárilik quraldardy zańsyz júzege asyrý jáne olardyń baǵalarynyń kóterilý faktilerin anyqtap, jolyn kesý, sonymen birge, kúsheıtilgen karantın rejımine baılanysty basqa da quqyqbuzýshylyqtardy anyqtaý jumystaryn júrgizedi. Sonymen birge, toptarmen turaqty túrde áleýmettik jeliler men BAQ-na monıtorıng júrgiziledi.

Monıtorıng júrgizý barysynda Áýezov aýdanynyń prokýratýra qyzmetkerleri tanymal Telegram messendjeri arqyly jeke tulǵanyń dárilik quraldardy («Deksamezon», «Levofloksan», «Meropenem», «Kleksan 0,6») zańsyz júzege asyrý faktisin anyqtady.

Qorytyndy satyp alý nátıjesi boıynsha Áýezov aýdanynyń krımınaldy polısııanyń jedel áreket etý qyzmetkerleri joǵaryda atalǵan dárilik quraldardy zańsyz júzege asyrmaq bolǵan M.esimdi azamatty ustady. Tergeý sharalary jalǵasýda.

Jalpy alǵanda, Almaty qalasynyń memlekettik quqyq qorǵaý organdarymen osy syndy 44 quqyqbuzýshylyq anyqtaldy, olardyń 16-sy boıynsha sotqa deıingi tergeý sharalary júrgizilýde. Qalǵan quqyqbuzýshylar ókiletti organdarmen ákimshilik jaýapkershilikke tartylýda.

Tárkilengen medıkamentter («Levosın» 100 ml-den 14 orama, «Ingaverın-90» — 532 orama, «Fraksıparın 0,3 ml» 5 orama, «Azıtromısın» 45 orama, «Azıtromısın (zomaks)» 98 orama, «Balalarǵa arnalǵan Anaferon» 105 orama, «Eresekterge arnalǵan Anaferon» 61 orama, «Groprınosıl» 99 orama, «Tamiflu» 8 orama, «Sefazolın» 19 ampýla ) jáne medısınalyq ónimder balalar ınfeksııalyq aýrýhanasyna tapsyrylǵanyn atap ótken jón.

Sonymen birge, qala dárihanalarynda dárilik quraldardyń baǵasyn zańsyz kóterýdiń 28 faktisi anyqtaldy, qazirgi ýaqytta Almaty qalasy boıynsha Taýarlar men qyzmetterdiń sapasy men qaýipsizdigin baqylaý departamenti QRÁQtK 426-baby boıynsha 6 sýbektti ákimshilik jaýapkershilikke tartty, 22 materıal qaralýda.

Prokýratýra osy salada buzýshylyqtar anyqtalǵan jaǵdaıda azamattardan nazar aýdarýdy jáne kelesi telefondar boıynsha habarlasýdy suraıdy.
- dárihanalarda dárilik preparattar baǵasynyń kóterilý faktileri boıynsha Almaty qalasynyń Prokýratýrasy 265-03-03 (kezekshi) (nemese osyǵan jumyldyrylǵan kómekshilerdiń nomerleri);
- dárilik quraldardy zańsyz júzege asyrý (alypsatarlyq) faktileri boıynsha Almaty qalasy boıynsha Ekonomıkalyq tergeý departamenti 279-29-56 jáne Almaty q.Polısııa departamenti 254-40-42;
- medısınalyq qyzmetkerler tarapynan dárilik quraldardy zańsyz júzege asyrý faktileri boıynsha Almaty q.boıynsha Sybaılas jemqorlyqqa qarsy kúres Agenttiginiń Departamenti 278-73-00.