Jemqorlyq derekterinen memleketke 33,3 mıllıard teńge óteldi

Jyl basynan beri Qazaqstandaǵy sybaılas jemqorlyq deńgeıi 10%-ǵa tómendedi. Bul týraly sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov aıtty. 

– Esepti kezeńde asa aýyr qylmystardy anyqtaý men jolyn kesý úsh esege, al aýyr sybaılas jemqorlyq qylmystaryn anyqtaý men jolyn kesý 10%-ǵa ósti. Sybaılas jemqorlyqty áshkereleıtin adamdardyń sany artty, árbir besinshi adam – memlekettik organnyń nemese uıymnyń basshysy. Jalpy qylmystyq jaýapkershilikke 28 respýblıkalyq, 65 oblystyq, 72 qalalyq jáne aýdandyq deńgeıdegi basshy tartyldy, – dedi ol.

Agenttik ókiliniń aıtýynsha, ótelgen shyǵyn somasy 33,3 mlrd teńgeni qurap, ótken jyldyń kórsetkishinen aıtarlyqtaı asyp tústi.