10 Shilde, 2020 NEWS
Kórneki sýret
Ulttyq keńes múshesi, qoǵam qaıratkeri Murat Ábenov prezıdenttiń keńeıtilgen otyrysynda aıtqan dári-dármek tapshylyǵyna qatysty sheshimderi týraly áleýmettik jelidegi paraqshasynda jazdy.
Murat Ábenovtiń pikirinshe, bul iske quzyrly organdar aralasý qajet.
– Dári-dármek tapshylyǵyna kináli qor basshylaryn jumystan shyǵarý azdyq etedi. Qanshama adam qaıtys boldy. Qazaqstan Respýblıkasynyń Qaýipsizdik Komıteti men Bas Prokýratýrasy bul isti qaraý kerek,-dep jazdy qoǵam belsendisi.
Onyń aıtýynsha, qazaqstandyqtar úshin dári-dármek máselesimen Prezıdenttiń ózi tikeleı aınalysyp jatqany óte mańyzdy.
– Birinshiden, densaýlyq saqtaý salasy dári-dármek tapshylyǵyn qoldan jasaý arqyly úlken tragedııalarǵa jol berdi. Densaýlyq saqtaý mınıstrligi aldyn ala dári-dármek tizimin qarastyrýdyń ornyna «SQ Farmasııaǵa» tapsyryp qoıdy. Eldegi dári-dármekti satyp alý tek bir ǵana uıym arqyly júrgizildi. Nátıjesinde dárihana sórelerinen dáriler joq boldy. Prezıdent osy máseleni kóterip, jaýapty qor basshylaryn jumystan bosatyp, tekserýdi tapsyrǵany durys sheshim dep oılaımyn, - dedi Murat Ábenov
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir