04 Shilde, 2020 NEWS

Úndistan premer-mınıstri Qytaımen shekaralas daýly aımaqqa bardy

Ál- Jazıra

Úndistannyń premer-mınıstri Narendra Modı Qytaı áskerlerimen tóbeles kezinde qaza tapqan sarbazdarǵa qurmet kórsetip shekara aımaǵyndaǵy Ladah aımaǵyna bardy. Bul týraly Qamshy tilshisi Ál-Jazıra telearnasyna silteme jasap habarlaıdy. 

– Ekspansıonızm dáýiri aıaqtaldy, bul damý ǵasyry. Tarıh ekspansıonıstik kúshterdiń joǵalǵanyn nemese keri burylýǵa májbúr bolǵanyn kýálandyrady, – dedi Modı daýly aımaqqa jasaǵan alǵashqy sapary kezinde. Qytaımen shekaralasatyn Lahad aımaǵynda keminde 20 úndistandyq soldat qaza tapqan. Biraq olardyń aty-jónderi atalmady.

Úndistannyń  premer-mınıstri Ladah aımaǵynyń bazasyndaǵy áskerlermen kezdesken.

– Sizderdiń batyldyqtaryńyz bárinen joǵary. Sizder jáne sizderdiń otandastaryńyz kórsetken erlik álemge Úndistannyń kúshin kórsetti, – degen ol Ladahtaǵy sarbazdarǵa arnaǵan sózinde.

Modıdi Úndistan qorǵanys shtabynyń bastyǵy general Bıpın Ravat jáne armııa bastyǵy general Manoj Mýkýnd Naravane ertip júrgen.

Úndistan men Qytaı sarbazdary 15 maýsymda Galvan ańǵarynda qaqtyǵysqan. Nátıjesinde 20 úndistandyq áskerı qaza taýyp, kem degende 76 adam jaralanǵan.

Bul shamamen sońǵy 50 jyldaǵy eń aýyr shekaralyq qaqtyǵys dep sıpattalýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir