02 Shilde, 2020 NEWS

Avstralııa men Ulybrıtanııa Qytaıǵa qarsy birikti

Getty

Avstralııanyń premer-mınıstri Skott Morrıson beısenbi kúni Qytaı úkimeti Gonkong úshin qaýipsizdik týraly jańa zań qabyldaǵannan keıin Ulybrıtanııa Gonkong azamattaryna vıza usyný týraly sheshim qabyldaýy múmkin ekenin eskertti. Oǵan qosa Avstralııanyń Ulybrıtanııa jaǵyna shyǵyp, Gonkong turǵyndaryna qoldaý kórsetýge daıyn ekenin jarııalady. Bul týraly Qamshy tilshisi The Independent basylymyna silteme jasap habarlaıdy.

London "sheteldegi Ulybrıtanııa azamaty" (BNO tólqujaty) mártebesi bar Gonkong azamattaryna jáne olardyń asyraýyndaǵy otbasylaryna Ulybrıtanııada bes jyl turyp, jumys isteýge, keıinnen azamattyq alýǵa ótinish bildire alatynyn málimdedi. BNO tólqujatyna ıe nemese ony alýǵa quqyly shamamen 3 mıllıon Gonkong azamaty bar. Ulybrıtanııanyń syrtqy ister mınıstri Domınık Raab parlamentke Gonkongpen tyǵyz qarym-qatynastaǵy basqa eldermen sóıleskenin aıtty.

Gonkongtaǵy oqıǵalarǵa qatysty Avstralııa úkimeti qoldaý kórsetýge daıyn ekenin málimdegen.

"Avstralııa Ulybrıtanııaǵa uqsas Gonkong turǵyndaryna qaýipsiz baspana usynýdy qarastyra ma?" degen suraqqa Avstralııa premer-mınıstri "Birneshe apta buryn qoldaý suraǵan usynystardy biz belsendi túrde qarastyryp jatyrmyz, ol týraly sońǵy máseleler qozǵalady. Jaqyn arada osyndaı múmkindikter berýdi mınıstrler kabınetinde qarastyramyz" degen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir