news.myseldon.com
Nur-Sultan qalalyq densaýlyq saqtaý basqarmasy jýrnalıst Qýandyq Shamahaıulynyń ólimine qatysty resmı aqparatty jarııalady.
– 1960 jyly týǵan naýqas Shamahaı Kýandyq 23 maýsymda jedel járdem qyzmetimen COVID-19 degen kúdikpen aýyr halde tústi. Osy ýaqyttan bastap naýqas 1-shi kópsalaly qalalyq aýrýhanasyna jatqyzylǵan bolatyn, – dedi mamandar.
Dárigerler Qýandyq Shamahaıulyna aýyr dárejedegi ekijaqty polısegmentaldy pnevmonııa degen dıagnoz qoıǵan.
– Emdeý kezinde naýqastyń jaǵdaıy birneshe ret nasharlady. 29 maýsymda júregi toqtap qaldy. О́limniń sebebine qatysty tergeý júrgizilýde, nátıjesi týystaryna habarlanady, – dedi dárigerler.
Jary Aısha Turmaǵambetovanyń aıtýynsha, dárigerler kúıeýine eshkimge bermegen dári bergen.
Tańǵy saǵat 7.30-da otbasyna Qýandyq Shamahaıulynyń qaıtys bolǵany habarlandy. Aısha Turmaǵanbetova dárigerler bir dárini synaqtan ótkizgen bolýy múmkin dep boljaıdy. Ol prokýratýraǵa aryz jazatynyn, kúıeýiniń qant dıabeti sekildi aýrýy bolmaǵanyn jáne ishimdik ishpegenin, temeki shekpegenin aıtty.
Qazirgi ýaqytta jýrnalıstiń ólimine qatysty tergeý jumystary júrgizilip jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir