23 Maýsym, 2020 NEWS

Saǵyntaev polısııa qyzmetkerlerin kásibı merekemen quttyqtady

Ashyq derekkóz

Almaty ákimi Baqytjan Saǵyntaev qalalyqtardyń basty talaby – qoǵamdyq qaýipsizdikti qamtamasyz etý ekenin atap ótti. Bul týraly óziniń Twitter-degi paraqshasynda quttyqtady.

– Polısııa qyzmetkerlerin kásibı merekesimen quttyqtaımyn! Qoǵamdyq qaýipsizdikti qamtamasyz etip, halyqtyń amandyǵyn saqtap júrgenderdiń aldyńǵy qatary – sizdersizder. Sizderge myqty densaýlyq, otbasylaryńyzǵa amandyq tileımin!, – dep jazdy B. Saǵyntaev.

Almaty ákimdiginiń jumysyndaǵy basty mindetterdiń biri qoǵamdyq qaýipsizdikti qamtamasyz etý ekeni burynnan belgili. Osynaý abyroıly isti júzege asyrý úshin ótken jyldan bastap kósheler men aýlalardy patrýldeý kúsheıtildi, qalanyń barlyq aýdandarynda polısııanyń mobıldi pýnktteri ashyldy.

Nátıjesinde qylmys deńgeıi kúrt qysqardy. Búgingi kúni eki myńnan astam polısııa qyzmetkeri táýlik saıyn qoǵamdyq tártipti saqtaý jolynda aıanbaı qyzmet etýde.

Tótenshe jaǵdaı kezinde polısııa qyzmetkerleri medıktermen, sanıtarlyq dárigerlermen, áskerılermen birge blok bektterde táýlik boıyna óz mindetterin múltiksiz oryndap, qalada quqyqtyq tártipti qamtamasyz etti. Bul sharalarǵa bes myńnan astam polısııa qyzmetkerleri tartyldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir