• USD 411.66
  • EUR 465.92
  • RUB 5.81
  • CNY 58.79

09 Maýsym, 2020 NEWS

Alakól pandemııa kezinde týrısterdi qalaı qarsy alady?

Alakólde qazir demalys bazalarynyń úshten bir bóligi sanıtarlyq-epıdemıologııalyq normany saqtaı otyryp, týrısterdi qabyldaýǵa daıyn.

Alakól

Alakóldiń shyǵys jaǵalaýy týrısterdi 13 maýsymnan bastap qabyldaı bastaıdy. Bıylǵy maýsymda koronavırýs ınfeksııasyna baılanysty demalýshylardyń qaýipsizdigi, densaýlyǵyna asa basymdylyq berilmek. Sebebi mundaǵy qydyrý-demalý jáne jaǵalaý aımaqtary tyǵyz ornalasqandyqtan, ınfeksııa juqtyryp alý múmkindigi de joǵary.

Osyǵan oraı arnaıy monıtorıngtik top kún saıyn baqylaýdy, tekserýdi qolǵa alǵan.

– Barlyq demalys bazalary sanıtarlyq-epıdemılogııalyq normany tolyǵymen saqtaýǵa tıis. Osy jyldyń ereksheligi demalys bazalarynyń ıeleri tek qana arnaıy daıyndyq týraly aktisi bar bolǵan kezde ǵana jumystaryn bastaı alady. Odan bólek demalýshylardyń COVID-19 taldaýynan tekseristen ótti degen anyqtama kerek. Bul týraly barlyq demalys bazalaryna, týrıstik kompanııalarǵa aıtyldy, eskertildi jáne olar demalýshylarǵa joldamalardy satyp alarda osy talaptardy aıtyp, túsindirýi shart, – deıdi ShQO-nyń bas memlekettik sanıtarlyq dárigeri Marat Ismaılov.

Arnaıy monıtorıngtik top búginde 175 demalys bazasyn tekserip úlgergen. Alaıda onyń 59-y ǵana ázirge barlyq talap-normany saqtap, demalýshylardy qabyldaýǵa daıyn otyr.

– Maýsymnyń ashylýyna tolyǵymen daıynbyz. Bazaǵa keletin ár demalýshynyń dene qyzýy ólsheımiz, qoldaryn antıseptıkpen zalalsyzdandyrady. Tek sodan keıin ǵana bizdiń aýmaqqa óte alady, – deıdi «Alataý» demalys bazasynyń ıesi Gúlnar Abylǵazınova.

a

a

Sonymen Alakól kólinde ortaq serýendeý jáne jaǵajaı aımaqtarynyń bolýyna baılanysty jappaı juqtyrý jaǵdaılaryn boldyrmaý úshin:

«Arbat» jaǵajaı jáne serýendeý aımaqtarynda demalýshylardyń bir otbasy múshelerin qospaǵanda, barlyq jaǵynan keminde 2 metr áleýmettik qashyqtyqty saqtaýyna baqylaýdy qamtamasyz etiledi.

a

Jaǵalaýdaǵy ortalyq trassanyń boıynda ornalasqan Týrısttik aqparattyq ortalyqta «Demalýshynyń saýalnamasy» júrgiziledi.

Merzimi ótpegen COVID-19 zertteýlerinen ótý nátıjeleri týraly anyqtama bolǵan jaǵdaıda ǵana ornalastyrýdy qamtamasyz ete alady. Bir otbasy úshin onyń bir múshesiniń zertteý nátıjesiniń bolýy jetkilikti.

Demalys bazalary men tamaqtaný oryndarynda jartysyn ǵana bir mezgilde bolýy jalpy orynnyń 50 paıyzynan aspaýǵa tıis, sondaı-aq ashyq alańdarda jumys isteýge ruqsat etildi.

Bul rette, ústelderdiń shetki oryndary arasynda keminde 2 metr áleýmettik qashyqtyq saqtalýǵa tıis.

a

Turatyn oryndarda, jalpy paıdalaný jáne adamdar kóp jınalatyn jerlerde maskalyq rejımdi jáne áleýmettik qashyqtyqty (bir otbasy múshelerin qospaǵanda, keminde eki metr) qatań saqtaýy kerek.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir