Shymkentte mektep dırektory para alý kúdigine ilikti

Shymkentte orta mektep dırektory para aldy degen kúdikke ilindi. Qazirgi ýaqytta sybaılas jemqorlyqqa qarsy qyzmet sotqa deıingi tergeýdi bastady.

– Ol 2020 jylǵy 27 mamyrda atalǵan mekteptiń áleýmettanýshysynan eńbekaqysy tólenbeıtin demalysqa jibermeý jáne jalaqysyn aýdarý úshin 40 000 teńge alýǵa qatysty kúdikke ilindi, – deıdi QR Sybaılas jemqorlyqqa qarsy is-qımyl agenttigi birinshi departamentiniń asa mańyzdy ister jónindegi tergeýshisi Danııar Bıǵaıdarov.

Onyń aıtýynsha, sotqa deıingi tergeý jalǵasýda.

– Kúdiktiniń kinálilik dárejesi týraly túpkilikti sheshimdi sot shyǵarady. QR Qylmystyq-prosessýaldyq kodeksiniń 201-baby aıasynda ózge aqparat tergeý múddesi úshin jarııalanbaıdy, – dep atap ótti tergeýshi.