Nur-Cultan ákimdiginde qaýipsizdik máseleleri men sanıtarlyq normalardyń saqtalý jaıy talqylandy

Búgin qala ákiminiń orynbasary Baqtııar Mákenniń tóraǵalyǵymen TJ eskertý jáne saldaryn joıý boıynsha komıssııanyń otyrysy ótip, onda koronavırýs jaǵdaıy men karantın rejımin saqtaý máselesi qaraldy.

Komıssııa otyrysy barysynda qalanyń iri saýda, oıyn-saýyq jáne fıtnes ortalyqtary basshylarynyń qatysýymen beınekonferensııa ótti.

Kásipkerler óz qyzmetin qaıta bastaýǵa baılanysty suraqtar qoıdy. Nur-Sultan qalasynyń ınvestısııalar jáne kásipkerlikti damytý basqarmasynyń bastyǵy Erlan Bekmýrzaev beınekonferensııa barysynda jumysyn qaıta bastaǵanyna qaramastan, kásipkerlik sýbektileri sanıtarlyq talaptardy qatań saqtaýǵa mindetti ekenin eske saldy.

О́z kezeginde elordalyq taýarlar men kórsetiletin qyzmetterdiń sapasy men qaýipsizdigin baqylaý departamenti bastyǵynyń orynbasary Aıgúl Shaǵaltaeva saýda jáne oıyn-saýyq ortalyqtary basshylarynyń qyzmetin qaıta bastaý múmkindigi týraly suraqtaryna jaýap berdi. Ár kásipkerge jeke jaýap berildi.

Ákimdiktiń mobıldi toby polısııa jáne epıdemıologtarmen birge sanıtarlyq normalardyń saqtalýy boıynsha kúndelikti reıd ótkizedi. Reıdtik is-sharalar barysynda monıtorıng toby 500 nysandy tekserdi. Koronavırýstyń taralýyn boldyrmaý úshin qatań erejeler qabyldandy.

Buǵan deıin 70-ten astam nysan sanıtarlyq normalarǵa saı kelmegeni úshin jabylǵan bolatyn.

Otyrysqa qatysqandar qazirgi ýaqytta qalada koronavırýs ınfeksııasynyń taralýyna jol bermeýge baǵyttalǵan sanıtarlyq-profılaktıkalyq sharalardyń jalǵasyp jatqanyn atap ótti.

Nur-Sultan ákiminiń orynbasary Baqtııar Máken azamattardyń qaýipsizdigin jáne sanıtarlyq-epıdemıologııalyq talaptardy qatań saqtaý qajetine nazar aýdardy. Sondaı-aq ol memlekettik organdarǵa kún saıyn nysandarǵa reıd júrgizip, sanıtarlyq normalardyń saqtalýyn tekserýdi tapsyrdy.

Eske sala keteıik, elordada maska taǵý rejımi saqtalady. Adam kóp jerlerde, avtobýstarda, dúkenderde jáne basqa qoǵamdyq oryndarda maska kıip, qashyqtyq saqtap, antıseptık qoldaný kerek. Qatań sanıtarlyq-epıdemıologııalyq talaptardy saqtamaǵan jaǵdaıda qala burynǵy qatań karantındik rejımge oralýǵa májbúr bolady.