• USD 412.55
  • EUR 465.73
  • RUB 5.79
  • CNY 58.91

29 Mamyr, 2020 NEWS

"Toı jasaýǵa ruqsat bersin". Aqtóbeniń meıramhana qyzmetkerleri narazylyq aksııasyna shyqty

qamshy.kz

Aqtóbede meıramhana qyzmetkerler men asabalar, fotograftar bılikten toıhanalardyń ashylýyn surap, narazylyq aksııasyna shyqty. Bul týraly Qamshy.kz aqparat agenttigi Informbıýro deregin negizge alyp habarlaıdy.

Azamattar oblys ákimdiginiń aldyna baryp, toıhanalardyń ashylýyn talap etken. "Karantınde jatyp, tabyssyz qaldyq" degen olar "bılik eń bolmasa aldaǵy úsh aılyq maýsymda 150 adamǵa deıingi toılardy jasaýǵa múmkindik bersin" deıdi.

– О́ner adamdarynyń barlyq tabys kózi toı bıznesi. Qazirgi ýaqytta úlken saýda oryndarynda myńdaǵan adam bar. Nelikten 200-300 adamdyq meıramhanalardy ashýǵa ruqsat bermeıdi. Toı salasyndaǵy meıramhanalardyń tolyq ashylýyn, jumys jasaýyn barlyq óner adamdary talap etip, kelip turmyz, – deıdi Nurlan Qaraǵozın atty asaba.

Sonymen qatar, narazylyq aksııasyna shyqqan Kámshat Amanǵalıeva qanshama adamnyń jumyssyz qalǵanyn aıtyp, nesıelerin tóleý qıyn bolyp jatqanyn jasyrmady . 

Jınalǵandardyń syrtynan polısııa qyzmetkerleri baqylap turdy. Ákimdik adamdary eldegi koronavırýstyń órship turǵanyn eskertip, halyqty sabyrǵa shaqyrdy.

Tazalyq mamandarynyń aıtýynsha jınalǵan halyqtyń talabyn oryndaý múmkin emes. О́ıtkeni qazirgi ýaqytta oblysta koronavırýstyń tirkelý paıyzy áli de azaımaı tur. 

– 5 paıyzdan tómen bolsa, sol kezde 30 orynǵa deıingi kafelerge ashylýǵa ruqsat beriledi. Al bizde 5 paıyzdyq kórsetkish joq. Oblysta qazirgi ýaqytta 7,8 paıyz, Biz oǵan qaramaı 50 orynǵa deıin ruqsat berip otyrmyz, – dedi Aqtóbe oblysy qyzmetterdiń sapasyn baqylaý departamentiniń basshysy Nursulý Berkimbaeva. 

Endi aqtóbelik asabalar men meıramhana qyzmetkerleri úkimetten kómek surap, talaptaryn Nur-Sultanǵa joldamaqshy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir