• USD 405.69
  • EUR 455.51
  • RUB 5.72
  • CNY 57.42

29 Mamyr, 2020 NEWS

Kóligin keri aıdap "kózge túsken" júrgizýshi jaýapqa tartyldy

Kórneki sýret

Túrkistan oblysy polıseıleri kóligin artqa júrgizip, jol erejesin buzǵan júrgizýshini jaýapqa tartty, dep jazady ishki ister mınıstrliginiń saıty.

Buǵan deıin áleýmettik jelide jol boıynda kóligimen artqa qaraı júrip, jol qaýipsizdigi erejesin buzǵan júrgizýshiniń beınejazbasy taralǵan bolatyn.

"Atalǵan quqyq buzýshylyqty jasaǵan “Volswagen GOLF” markaly kóliktiń júrgizýshisin anyqtaý maqsatynda Túrkistan qalalyq Polısııa basqarmasynyń qyzmetkerleri shuǵyl áreketke kiristi. Tekserý jumystary barysynda jıyrma jastaǵy júgensiz júrgizýshi anyqtalyp, ol QR Ákimshilik quqyq buzýshylyq týraly kodeksiniń úsh baby boıynsha jaýapkershilikke tartyldy. Naqtyraq aıtsaq, 595-bap (manevr jasaý qaǵıdalaryn buzý), 606-bap (jol júrisine qatysýshynyń jol júrisi qaǵıdalaryn avarııalyq jaǵdaı týǵyzýǵa ákep soqqan buzýshylyǵy), 614-bap (kólik quraldarynyń júrýine kedergi keltirý) boıynsha hattamalar toltyryldy" delingen aqparattyq habarlamada.

Túrkistan oblysynyń polıseıleri jolda jyldamdyqty asyrmaýǵa, manevr jasaý qaǵıdalaryn buzbaýǵa, múmkindiginshe saqtyq sharalaryn qoldanyp kólik basqarýǵa keńes beredi. Joǵarydaǵydaı teris áreket jasap, óz ómirinen bólek, ózge de kólik júrgizýshilerine qaýip tóndirip, jol boıynda kedergi keltirýdiń sońy jaqsylyqqa aparmaıtynyn eskertedi.

Ilmek sózder: jol erejesi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir