Serik Sápıevtiń orynbasary ustaldy (vıdeo)

Mádenıet jáne sport mınıstrligi sport jáne dene shynyqtyrý komıteti tóraǵasynyń burynǵy jáne qazirgi orynbasarlary ustaldy. Bul týraly Sybaılas jemqorlyqqa qarsy is-qımyl agenttigi habarlady. 

Agenttik jarııalaǵan aqparatqa qaraǵanda kúdiktilerge О́skemen qalasynda 380 mıllıon teńge bıýdjet qarajatyn jymqyrdy degen aıyp taǵylyp otyr. Agenttiktiń asa mańyzdy ister jónindegi tergeýshisi Danııar Bıǵaıdarov sot kúdiktiniń bireýin 2 aıǵa qamaý týraly sheshim shyǵarǵanyn aıtty. 

"Olar Rıdder qalasyndaǵy olımpıadalyq rezerv boıynsha respýblıkalyq mamandyrylǵan mektep-ınternat-kolledjiniń 300 oryndyq oqý korpýsynyń qurylysy kezinde 380,8 mıllıon teńge bıýdjet qarajatyn jymqyrǵany úshin aıyptaldy. Kúdiktiler naqty jumystar atqarylmasa da, ol aqshany merdigerdiń esepshotyna aýdarǵan. Qazir tergeý jumystary jalǵasyp jatyr" dedi Bıǵaıdarov búgin ótken onlaın brıfıngte. 

Eske salsaq, eki qyzmetkeri para aldy degen kúdikke ilingen komıtetti 2019 jyldyń basynan beri London Olımpıadasynyń chempıony, boksshy Serik Sápıev basqarady.