TJ departamenti ShQO turǵyndaryn órt qaýipsizdigi men sý qoımalary mańyndaǵy erejelerdi saqtaýǵa shaqyrdy

 

ShQO TJD qyzmetkerleri dala jáne orman órtteriniń kóbeıgenin atap ótti. Onyń aldyn alý maqsatynda profılaktıkalyq jumystar júrgizilýde. Shyǵys Qazaqstanda quramynda polısııa qyzmetkerleri men jergilikti bılik ókilderi, ormanshylar, sondaı-aq TJD mamandary bar 60 mobıldi top quryldy.

 

– Búgingi kúni 40 reıd júrgizilip, 40-qa jýyq zańbuzýshylyqtar anyqtaldy. Sondyqtan oblys turǵyndaryn órt qaýipsizdigi erejelerin saqtap, bizdiń jumysymyzǵa túsinistik tanytýlaryn suraımyz. Qazir aýa raıyna baılanysty dala jáne orman órtteri kóbeıdi, – dedi ShQO TJD bólim basshysynyń mindetin atqarýshy Alekseı Shtykel.

 

ShQO TJD bólim basshysy Tımýr Dıdahmetov naýryz aıynan beri sý qoımalarynda 4 qaıǵyly oqıǵa oryn alǵanyn atap ótti. Onyń ishinde 3 balyqshy sýǵa batyp ketse, bir adam qaıyqpen júzemin dep qaıǵyly jaǵdaıǵa dýshar bolǵan.  Budan bólek bir adam izdestirilýde.

 

– ShQO TJD mamandary sýǵa túsý maýsymy bastalardyń aldynda túsindirý jumystaryn júrgizedi. Al sýǵa túsý maýsymy ashylǵanda  bizdiń mamandar jergilikti polısııa qyzmetkerleri men kólikti baqylaý ınspeksııasymen birge reıdter júrgiziledi. Sýǵa túsýge tyıym salynǵan aýmaqtarda qutqarýshylar patrýldeıtin bolady. Aldaǵy ýaqytta mektep dırektorlarymen jáne lager tálimgerlerimen ádistemelik semınarlar uıymdastyrylady. Biz oblys turǵyndaryn sý qoımalary mańyndaǵy qaýipsizdikti saqtaýǵa shaqyramyz, – dedi Tımýr Dıdahmetov.