Aqtóbede tótenshe jaǵdaı kezinde 1271 tártip buzýshylyq anyqtaldy

Aqtóbe oblysynda tótenshe jaǵdaı kezinde 1271 tártip buzýshylyq anyqtaldy. Bul týraly Polisia.kz habarlady.

Oblystyń tártip saqshylary 1 mamyrǵa deıin TJ rejımin buzýdyń 1271 faktisin anyqtaǵan. Onyń ishinde QR Ákimshilik quqyq buzýshylyq týraly kodeksiniń 476-baby boıynsha (TJ rejımin buzý) – 1217 is tirkeldi, qamaýǵa alynǵany – 237 adam, aıyppul salynǵany – 282, al 645 adamǵa eskertý jasalyp, 44 materıal sotqa jiberildi.

QR Ákimshilik quqyq buzýshylyq týraly kodeksiniń 478-baby boıynsha (TJ jaǵdaıynda quqyqtártibin buzýǵa ıtermeleıtin is-áreketter) 54 buzýshylyq anyqtalǵan, onyń ishinde 24 adamǵa aıyppul salyndy, 30 adam qamaýǵa alyndy.

Turǵyndardyń blok-beketterin zańsyz aınalyp ótý faktileri de oryn alýda, mundaı zańbuzýshylyqtardyń sany 79–ǵa jetti.

Polısııa departamenti qala turǵyndaryn qabyldap jatqan sharalarǵa túsinistikpen qaraýdy suraıdy.